Matta 18:3 - Dadiya NT

³ Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 18:3 ပူးပေါင်းရင်းမြစ်များ

Matta 13:15

Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’

Matta 18:2

Nǝngɔ a jo kaa bwɛsǝn ba tɨ a tɨbǝl jini.

Matta 18:4

Na nʊ nɨ a shig dul gǝnɔ na bwɛ nɨɨ, n nʊ nya dʊʊn nɛ a fɔlɔn lɔ Kwaamaɨ.

Matta 19:14

Yesu a sʊwa gɔ, “Jǝ́ bǝla bɛtɔ dwalǝnɔ a bɛ a daa mɨ woi. Bɛ ka jǝ́ kaa ji lɛ. Fɔlɔn lɔ Kwaamaɨ na a jii.”

Matta 19:23

Nǝngɔ Yesu a sʊwa bɛtɔ mɛlalɨ gǝnɔ gɔ, “N bɨlǝngǝn mǝ sʊwa jen nɛɨ, bwa bwa sǝ nǝ shilo a nya dɔtǝm fɔlɔn lɔ Kwaamaɨ.

Matta 5:18

N bɨlǝngǝn mǝ sʊwa jen nɛɨ, na dʌbʌlɔ jǝbɔ tǝmɔ a shu bɨɨ, mɨ kaa mʊlalɨ nɨ wo jǝbɔ bɛ mʊlalɨ nɨ a mʊgɔ mʊlalɨ diilɔ gǝm shu lɛɨ, na ja yii bɔ kanjǝl nɨ gwamɨ.

Matta 5:20

Mǝ sʊwa jen nɛ, na dǝngdǝng jenɔ a laa bɔ a nǝb mɛlalɨ diili jǝbɔ a nǝbɔ Farisaɨ, mɨsɔ jǝ́ dɔ fɔlɔn lɔ Kwaamaɨ lɛ wo.

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:2

Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

Matta 6:5

“Na jǝ́ maa keli lɛɨ, ka jǝ́ maa lɛ keli kanga nǝb fentogɔ gǝ maam lɛɨ, jʊ a bwɨɨ jǝ swɨ lɛ ja tɨ tɨɨ sǝ ja maa keli a mʊgɔ kan mɛlalɨ jǝbɔ daltɔ golantɨn, sǝ nǝbɔ a kuwo ji. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Markus 4:12

sǝ ya “ ‘Ja kuwo lɛ, ja nyǝm bɔ jʊ jǝ kuwo lɛɨ, sǝ ya ja nyʊwa lɛ, ja nyǝm bɔ, kage ja yǝla a daa Kwaama woi, sǝ a kǝlǝm jim bwɨlangkɛl jinɔ.’ ”

Luka 13:24

“Jǝ́ maa kwaan bʊtɔ jǝ́ dɔ a nyanga kan nɨ a gwag gwagɨ. Mǝ sʊwa jen nɛ nǝbɔ a lada swɨ dɔtǝm lɛ. Mɨsɔ jǝ dwal lɛ.

Luka 22:32

N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Yohana 1:51

Nǝngɔ a sʊwa gǝn gɔ, “N bɨlǝngkɛl mǝ sʊwa jen nɛɨ, jǝ́ kuwo kuwo dʌbʌl kwamagɔ a wumo, bɛtɔ twama Kwaamaɨ gǝla lɛ kaamɨ gwi lɛ a dul Bʊla Nǝlɨ.”

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 28:27

Jʊ a bwɨɨ nǝl nǝb nɨ a kwam nyɔ, ja mǝlalam lɔl jinɔ, ja kʊmam nu jinɔ, kage jǝ kuwo nǝn nu jin, jǝ nyʊwa nǝn lɔl jin, jǝ nyǝm a nǝl jin, jǝ yǝla a daa mɨ woi n gung ji.’

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.