Matta 18:10 - Dadiya NT

¹⁰ “Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Matta 18:10 ပူးပေါင်းရင်းမြစ်များ

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Matta 12:20

Mɨsɔ kǝl mɛlang nɨ lɛ a lʊʊ lʊʊɨ, mɨsɔ dum kǝla nɨ lɛ saa dumotǝm lɛɨ, a yɔ nǝn a kwama nɨ a dǝg bɨlǝngkɛlɔ la ku jelʌni.

Matta 18:14

A na nyɔ, ke bɔ swɨtǝm Tɨya jen nɨ a dʌbʌl kwamaɨ nǝl win a mʊgɔ bɛtɔ dwalǝn nɨɨ a lɛla.

Matta 18:6

Na nʊ nɨ a dǝg kaa win a kʊm bɛtɔ dwalǝn nɨ a nǝ bɨlǝngkɛl a daa mɨ woi a maa bwɨlangkɛlɨ, a laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma tushi, sǝ a bʊla.

Matta 2:13

Nǝn kwama nǝb nɨ a shui, nǝngɔ bwɛ twama Tɛlalɔɨ a nʊng Yusufu a mʊgɔ dʊgam gɔ, “Gun guni, do bwɛ dwalɨ nɨ jǝbɔ nyɨya gɔ ń mwal ń yɔ nǝn a tǝm Masar. Bɛ ka ń yǝla lɛ ń bɛ, na mǝ twam mʊn bɔ twamaɨ, jʊ a bwɨɨ Hiridus saa lɛ sǝ gǝ jʌ gǝn.”

Matta 2:19

Nǝn kwama Hiridus a bʊlaɨ, nǝngɔ bwɛ twama Tɛlalɔɨ a bɛ Yusufu gǝm a mʊgɔ dʊgam a tǝm Masarɨ gɔ,

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Luka 1:19

Nǝngɔ bwɛ twama Kwaamaɨ a jǝla gǝn gɔ, “Nǝmǝ mǝ Jibrailu! Mǝ tɨ a kǝga Kwaamaɨ, nǝngɔ a twam ɨ gɔ ba n sʊwa ń fulon kɛl lǝmɨ nɨɨ.

Luka 10:16

“Na nʊ nɨ a nyʊwa jeni, a nyʊwa ɨ. Na nʊ nɨ a kɔ jeni, a kɔ ɨ. Nʊ nɨ a kɔ ɨɨ, a kɔ nʊ nɨ a twam ɨɨ.”

Luka 16:22

“Nǝngɔ nǝ keli nɨ ba bʊlaɨ. Nǝngɔ bɛtɔ twama Kwaamaɨ a do gǝn a yɔ nǝn gɔ a daa Ibrahim woi a Lɔ Kwaamaɨ. Nǝ shilo nɨ a bʊla tǝgǝnɨ, nǝngɔ ja fʌl gǝnɨ.

Maajɨ Bɛtɔ Twamagɨɨ 10:3

Kaa di kemʌnɔ taal nǝn kwaamɨ, a kuwo kaa bwɛ twama Kwaamaɨ a mʊgɔ dʊgam nyangnyang. A bɛ a daa gǝ woi a sʊwa gɔ, “Karniliyas!”

Maajɨ Bɛtɔ Twamagɨɨ 12:15

Nǝngɔ ja sʊwa gǝn gɔ, “Mʊ nǝ wabɨ ka?” A tɨtǝn sʊwa lɛ. Nǝngɔ ja sʊwa gɔ, “N bwɛ twama Kwaamaɨ nɨ tɔɔ gǝn nɛɨ.”

Maajɨ Bɛtɔ Twamagɨɨ 12:23

Tʌgo a kang nǝngɔ kaa bwɛ twama Tɛlalɔɨ a jǝga gǝnɨ, jʊ a bwɨɨ a bǝlá bɔ Kwaamagɔ. Nǝngɔ ywɛtɨnɔ a tɨtǝn jatǝm gǝnɨ a yɔ nǝn a bwaaɨ.

Maajɨ Bɛtɔ Twamagɨɨ 27:23

“A kum nɨ dʊgalǝnɨ, bwɛ twama Kwaamaɨ wʊnɨ mǝ na a gɨɨ, wʊnɨ mǝ bǝlá gǝn nɛɨ, a tɨ nǝn dɔɔm a daa mǝ woi.

Maajɨ Bɛtɔ Twamagɨɨ 5:19

Nǝn kum, nǝngɔ kaa bwɛ twama Tɛlalɔɨ ba wum nyanga kan lɔsomigɨɨ. Nǝngɔ a jǝg jii, a sʊwa ji gɔ,

Roma 14:10

Mɔ, n wɛ a bwɨ mʊ kuwo kɨla mʊ lɛ nǝn bwɨlanɨ? N wɛ a bwɨ mʊ soga kɨla mɔ lɛɨ? Pʌd bǝnɔ bǝ tɨ tɨ a kǝga Kwaamaɨ, wʊnɨ maa bǝm borang lɛɨ.

Roma 14:21

A bʊm nyɔ ka ń wo lɛ nam, ka ń nɔɔ lɛ bʊgɛ, ka ń maa lɛ jʊ nɨ gwam dǝg kɨla mɔ lɛ a fǝ naaɨ.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

1 Korinti 11:22

Mɨ jen nǝn lɔtɨn nɨ jǝ́ ja lɛ, jǝ́ nɔɔ lɛ woi ka? Jǝ́ soga mʊrkalɨ nǝb bwangtǝm Kwaamaɨ, jǝ́ nǝ nǝb nɨ mɨ nǝn kaa jǝlɨ gunidul ka? N wɛ mǝ sʊwa jen nɛɨ? Mǝ wana jen a dul jʊ nɨ jǝ́ maaɨ ka? Mɨ nyɔ! Mɨsɔ mǝ wana jen nɛ.

1 Korinti 16:11

Ka jǝ́ soga gǝn nɛ. Jǝ́ ywa gǝn nǝn lǝma a gola, a yǝla a daa mǝ woi, jʊ a bwɨɨ mǝ dʌng gola gǝnɔ lɛ nǝbɔ kambɔ.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 10:10

Kaamɨ sʊwa lɛ gɔ, “Langǝn bwangǝn gǝnɔ gǝ dɔ bʊtɔ, nǝn kwaan, a kaa gola na ń kuwo gǝn kǝga jǝbɔ kǝgaɨ, n ke bɔ kwamɨ nǝlɨ, kɛl gǝnɔ tag n ke bɔ kɛl.”

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

Dʊgam Nyangnyang 8:2

Nǝngɔ la mǝ kuwo bɛtɔ twama Kwaamaɨ nɨ nʌbʌli jǝ tɨm a kǝga Kwaamaɨ, ja nǝ ji jumtɨnɔ nʌbʌl.