Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matta 17:20 - Dadiya NT

20 Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [

အခန်းကိုကြည့်ပါ။ ကော်ပီ




Matta 17:20
19 ပူးပေါင်းရင်းမြစ်များ  

Yesu a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nu mastad, wʊnɨ kaa nǝl a do ya kwal a tɔtwam gǝnɨ.


Nǝngɔ Yesu gɔ, “Bɛ.” Nǝngɔ Bitrus a gǝla a dʌbʌl tɨyamwɛng a tǝl yɔmɔ a dʌbʌl mwɛɨ, yilo a daa Yesu woi.


Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, jǝ́ nǝb bwɨlan, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛ balɨ nɨ fɔ.”


Nǝngɔ bɛtɔ mɛlalɨgɔ a bɛ a daa Yesu woi kwama jǝ kwaajii, nǝngɔ ja bʌ gǝn gɔ, “N wɛ a bwɨ nǝn dwal bɔ nǝn jǝg bwɛlaa nɨɨ?”


Kwama nɨ jǝ gǝlam lɛ a dʌbʌl yemi, nǝngɔ Yesu a gʊ lɔl jini gɔ, “Ka jǝ́ sʊwa lɛ kaa nǝl jʊ jǝ́ kuwoi, ba jǝ́ sʊwa nǝn kwama ja gung Bʊla Nǝlɨ a bwaaɨ.”


Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.


Nǝngɔ a sʊwa ji gɔ, “Jǝ́ nǝb nǝtǝm bɨlǝngkɛl nǝn dǝm nyɔ! Wɛ a bwɨ jǝ́ nyʊwa taal lɛɨ?” Nǝngɔ a gun a ga yʊwa mwɛmɔ jǝbɔ mwɛmɔ mʊla lɛɨ gǝm wulongi, yʊwagɔ jǝbɔ mwɛ nɨ mʊla lɛɨ, a tɨ.


Yesu a jǝla ji gɔ, “Jǝ́ nǝ bɨlǝngkɛl nǝn Kwaama.


N bɨlǝngkɛl mǝ sʊwa jen nɛɨ, na nǝl a nǝ bɨlǝngkɛl a daa Kwaama woi, jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ na ga kɨɨ bɔ nǝl a jʊ nɨ ga sʊwaɨ, na ga nǝ bɨlǝngkɛl gɔ maa maaɨ, jǝ maa gǝm maa.


A maa na nu mastad wʊnɨ a dwal nǝn kǝlwʊn nyɨɨ. Nǝn gɔ a dwal a laa tangǝn dʊʊmɔ jǝ kwal lɛ a tǝm nɨɨ.


Nǝngɔ Yesu a bʌ gǝn gɔ, “Mɔ na mǝ dwal dwalɨ nɔɔ? Kanjǝlɔ gwam maa maa a daagɔ nʊ nɨ a nǝ bɨlǝngkɛlɨ.”


Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”


Yesu a jǝla ji gɔ, “Jʊtǝb nɨ mɨsɔ nǝfili dwal lɛ a maaɨ, Kwaama dwal maa maa gwam.”


Nǝngɔ Yesu a sʊwa gǝn gɔ, “N kwɛl sʊwa ń sʊwa ńɨ mǝʊ na ń nǝ bɨlǝngkɛlɨ, mʊ kuwo kuwo dʊʊlǝn Kwaamaɨ, mɨ nyɔ ka?”


A wini a nǝ gǝn lǝma na nǝtǝm bɨlǝngkɛl a gola Yʊwa nɨ tag. A wini a nǝ gǝn lǝma na gungtǝm nǝbɨɨ a gola Yʊwa nɨ.


Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.


Nǝngɔ bǝ kuwo bǝngɔ n kɔtǝm nǝtǝm bɨlǝngkɛl jinɔ ja gaa dɔtǝmɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ