Matta 17:2 - Dadiya NT

² Nǝn kwama jǝ fʌleni, nǝngɔ jelkalǝng gǝnɔ a yǝla a kǝga jini, kǝga gǝnɔ a fʌto beta lɛ na nu kwama, dwang dʊʊl gǝnɔ a yǝlam a fulo, beta lɛ nyɔ.

Matta 17:2 ပူးပေါင်းရင်းမြစ်များ

Matta 17:1

Kumɔ nukun a shui, nǝngɔ Yesu a do Bitrus jǝbɔ Yakubu jǝbɔ kɨla gɔ Yohana a yɔ nǝn ji fʌlen kwaaji a dʌbʌl yem nɨ a deba debaɨ.

Matta 17:3

Tʌgo a kang nǝngɔ Musa jǝbɔ Iliya ja jel a kǝga gǝnɨ, jǝ kiyo kɛlɔ lɛ jǝbɔ gɨɨ.

Matta 28:3

Beta lɛ na kwama, bɛllɛ gǝnɔ a fulo nǝn fǝbfǝb nyɔ na fǝmǝn.

Markus 9:3

Dʊʊl gǝnɔ a fulo nǝn fǝbfǝb nyɔ beta lɛ, wʊnɨ mɨ nʊ nɨ wo nyǝm lɛ a ga a jel nyɔ a yooli nɨɨ.

Luka 9:29

Maa keligɔ lɛɨ, nǝngɔ kǝga gǝnɔ a fʌtoi, dʊʊl gǝnɔ a yǝla a fulo nǝn fǝbfǝb nyɔ, beta yo nu lɛ na nyalǝm.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Dʊgam Nyangnyang 10:1

Nǝngɔ mǝ kuwo kaa gʌleng bwɛ twama Kwaamaɨ gǝla lɛ a dʌbʌli. Lulɔ a kwabǝm bʊtɔ gǝnɔ. Nǝngǝn nǝn jʌm a dʌbʌl dul gǝnɔ gǝm. Kǝga gǝnɔ maamɔ nu kwama. Naatɨn gǝnɔ maamɔ tɨya lɔng ta kǝla lɛɨ.

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.