Matta 13:44 - Dadiya NT

⁴⁴ “Fɔlɔn lɔ Kwaamaɨ gǝ na na shilo nɨ ja yʊ a tɔtwamɨ. Kwama nɨ kaa nǝl a nyaɨ, a yǝla a yʊ tagɨ. Fulotǝm nǝlɔ a la gǝm daaɨ, nǝngɔ a yɔ ya miyom kanjǝl nɨ gǝ nǝngǝnɨ pʌd, a tenʌm tɔtwam gɨɨ.

Matta 13:44 ပူးပေါင်းရင်းမြစ်များ

Matta 13:24

Yesu a yǝla a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nʊ nɨ a wa dʊʊm nyan a tɔtwam gǝnɨ.

Matta 13:46

A yɔ ya nya tɛl bʊmɨ nɨ kemʌnɔ a kwam nyɨɨ, nǝngɔ a miyo kanjǝl nɨ gǝ nǝn gwamɨ, nǝngɔ a ten nǝnɨ.

Matta 13:47

“Fɔlɔn lɔ Kwaamaɨ tag gǝ na na lɨyal nɨ ja mal a mʊgɔ wɨmaɨ, jǝ tam jʌngi lɛɨ, gǝ ta jʌngitɨnɔ nǝn dʌmʌn.

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 19:27

Nǝngɔ Bitrus a sʊwa gɔ, “N wɔ nǝn bǝla kanjǝl nǝnɔ gwam, nǝn bwang mʊn. N wɛ nǝn nya lɛɨ?”

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

Matta 6:21

Daa nɨ shilo jenɔ woi, n daa gɔ nǝl jenɔ woi.

Luka 14:33

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

Yohana 6:35

Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Kolosii 2:3

N daa gǝ woi ja yʊ shilo yʊlanɔ jǝbɔ nyǝmtǝmɔ gwamɨ.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

Dʊgam Nyangnyang 3:18

A dul kɛl nɨ mǝ nǝ ń nyiyo lɛ, bɛ ń ten mʊnɔ a daa mɨ woi, wʊnɨ ja saalǝm nǝn kǝlaɨ, sǝ ń yǝlam nǝ shilo. Bɛ ń ten dwang fulontɨnɔ mʊ dʊʊ lɛɨ tag, sǝ ń sɔm kʊnkʊn mʊnɔ nǝn, kage ń nyʊwa gunidul. Bɛ ń ten nwang waatǝmɔ a nu, sǝ ń nya kuwotǝm daa.