Matta 13:23 - Dadiya NT

²³ Dʊʊm nɨ a yal a tǝm nyaɨ, gǝ nʊng nʊ nɨ a nyʊwa kɛl Kwaamaɨ, a nyǝm, maa maajɨ lɛ nǝnɨ, jǝg dʊʊmɔ lɛɨ, kaamɨ fʊlkʊb win win, kaamɨ fʊltǝnukun nukun, kaamɨ fʊtǝtaal taal.”

Matta 13:23 ပူးပေါင်းရင်းမြစ်များ

Matta 12:33

“Tɨya nyan, gǝ tʊʊ tʊʊl nyan, tɨya bwɨla, gǝ tʊʊ tʊʊl bwɨla, tɨyagɔ jǝ nyǝm gǝn nǝn tʊʊl gǝnɔ.

Matta 13:8

Kaamɨ a yal a tǝm nyan, ja jǝg dulɔ, nugɔ a bʊm, kaamɨ dulɔ fʊlkʊb fʊlkʊb, kaamɨ fʊltǝnukun nukun, kaamɨ fʊtǝtaal taal.

Matta 3:10

Ja kwɛl ja swa swaɨ twanɔ a jʌng tɨyantɨnɔ gǝm. Tɨya nɨ gwam a tʊʊ bɔ tʊʊl nyaɨ, jǝ mwatɨ gǝn ja mal a mʊgɔ kǝla.

Matta 3:8

Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni.

Markus 10:15

N bɨlǝngkɛl mǝ sʊwa jen nɛɨ, nʊ nɨ a yo bɔ fɔlɔn lɔ Kwaamaɨ na kǝlɨ bwɛsǝnɨ, mɨsɔ nya dɔtǝm gǝnɔ lɛ.”

Markus 4:20

Dʊʊm nɨ a yal a tǝm nyaɨ, gǝ nʊng nǝb nɨ a nyʊwa kɛl Kwaamaɨ, ja yo, ja maa maajɨ nǝn, ba ja bɨɨ, kaamɨ bwiligɔ fʊtǝtaal taal, kaamɨ fʊltǝnukun nukun, kaamɨ fʊlkʊb fʊlkʊb.”

Luka 13:9

Na a tʊʊ tʊʊlɔ dikaɨ, a bʊm! Na a tʊʊ bɨɨ, sǝ n mwatɨm gǝn.’ ”

Luka 8:15

Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Luka 8:8

Nǝngɔ kaam dʊʊmɔ a tǝla a tǝm nyanɨ, nǝngɔ ja dʊʊla ja jǝg dulɔ naagɔ fʊlkʊb a laa jʊ nǝ kwalagɔ a kwalɨ.” Kwama nɨ Yesu a dɨm sʊwatǝm jinɔ fulon kɛl nɨɨ, nǝngɔ a jo ji nǝn diili gɔ, “Nʊ nɨ nǝn lɔl nyʊwatǝmɨ, bɛ ga nyʊwa.”

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 8:47

Nʊ nɨ na a Kwaamaɨ, gǝ nyʊwa nyʊwa jʊ nɨ Kwaama sʊwa lɛɨ. Jʊ a bwɨ mɨ jǝ́ nyʊwa jʊ nɨ lɛ Kwaama sʊwa lɛɨ, jǝ́ ke bɔ a Kwaamaɨ!”

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

2 Korinti 9:10

Nǝn Kwaama gǝ nǝ nǝbɔ dʊʊmɔ lɛɨ. Nǝn gɔ nǝ jǝjalǝn nɛɨ. Nǝn gɔ sʊ mʊn nyatǝmɔ lɛɨ, sǝ ya jǝ́ tɨka nǝb nɨ lɛ mɨ nǝnɨ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Filibii 4:17

Mǝ sʊwa bɔ mǝʊ mǝ saa lǝma a daa jen woi. Mɨ nyɔ. Mǝ swɨ lɛ jǝ́ nya jʊ nɨ sʊ jem bwili lɛ a nǝtǝmɔ jǝ́ maa lɛɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

2 Tasalonikaɨ 2:10

Maa maa maajɨ nǝn kanjǝl bwɨla sǝ a swag nǝb nɨ a gola bʊlatǝmɨ, jʊ a bwɨɨ ja kɔ swɨtǝm bɨlǝngkɛl wʊnɨ jǝ bʊʊm lɛɨ.

Ibranii 4:2

Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.

Ibranii 6:7

Tǝm nɨ nɔɔm mwɛmɔ lɛ jǝ swiyo gǝm lɛ kwangkwangɨ, jǝg nǝbɔ gǝm jǝjalǝn nyanɔ lɛ wʊnɨ jǝ jʊng lɛ a dul gǝnɨ, Kwaama dǝg gǝm dǝg bwili.

Ibranii 8:10

Mǝ Tɛlalɔ, n sʊwa mǝʊ, wʊnɨ nǝn gɔ swatǝm yaagɔ mǝ maa lɛ jǝbɔ nǝbɔ Israilaɨ a gul kumtɨn nɨɨ. Mǝ dǝg dǝg diil mǝndɨ a mʊgɔ nǝl jinɔ gǝm, sǝ n mʊla jim a nǝl jinɔ gǝm. Mǝ yǝlam yǝlam Kwaama jin. Ji tʌji jǝ yǝlam yǝlam nǝbam mɨ.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.