30 Tɨya kwɨl mǝndɨ a bwa bɔ. Kʊlǝn mǝndɨ a tuu bɔ.”
Nǝn Kum Fǝbtǝm, Yesu jǝbɔ bɛtɔ mɛlalɨ gǝnɔ shu lɛ a gola nɨ a yɔ a twam jaamɨ. Jʊwanɔ a ta bɛtɔ mɛlalɨ gǝnɔ. Nǝngɔ ja tǝl ja kwɛl nu jaamɔ jǝ kʊʊ lɛɨ.
“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”
“Na gǝ na nyɨɨ, wɛ a bwɨ jǝ́ tɛl Kwaama lɛɨ? Wɛ a bwɨ jǝ́ ya nǝb bwangtǝm nɨ gǝm kanjǝl nɨ lɛ a tuu tuui, wʊnɨ bǝn jǝbɔ tʊgalam bǝnɔ mɨsɔ bǝ dwal lɛ bǝ doi?
Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ.
Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.
Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.
Na Yʊwagɔ yɔ lɛ nǝn jeni, diilɔ mɨ nǝn kwaan a dul jen.
Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.
Jʊ a bwɨɨ, swɨtǝm Kwaamaɨ n bwangtǝm diil gǝn. Bwangtǝm diil gǝnɔ a bwa bɔ.
