26 Tɛtɛ, n jʊ mʊ swɨ maatǝmɨ.
Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.
a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”
Nǝngɔ Yesu a sʊwa gɔ, “Tɛtɛ, kǝlǝm jim. Ja nyǝm bɔ jʊ jǝ maa lɛɨ.” Nǝngɔ ja tǝga dwangtɨn gǝnɔ a gola gatǝm kwannyaɨ.
Nǝngɔ ja tʊngǝm tɛlɨ. Yesu a gung dul gǝnɔ a dʌbʌl, a sʊwa gɔ, “Tɛtɛ, n buu mʊn kang mʊ nyʊwa ɨɨ.
“Kǝngkɔ n nya komʌn a nǝl mɨ. Wɛ mǝ sʊwa lɛɨ? Mǝ sʊwa sʊwa mǝʊ, ‘Tɛtɛ, bʊʊ nǝn mǝ a kwama nɨ ka?’ Ɔ ɔ, mǝ bɛ n kɛl kwama nɨɨ.
Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”
Kwaama gǝ ji ji bʊnǝn a nʊ nɨ swɨ lɛ a ji bʊnǝn gǝnɨ, gǝ dǝg kwamǝn dul a nʊ nɨ ga swɨɨ sǝ a kɔ nyʊwatǝmɔ.
N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,
A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.
Kwaama a maa fɛkalɨ nɨ a gola Kiristi Yesui, Tɛlalɔ bǝn, nǝngɔ la a fwal yooligɨɨ.
Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.
