Matta 11:23 - Dadiya NT

²³ “Jǝ́ nǝbɔ Kafarnahumi jǝ́ kuwo lɛ jǝ gung jen a dʌbʌl ka? Ɔ ɔ, jǝ gǝla nǝn jen a daa yamtǝm borang. Kanjǝl laatǝm kang nɨ mǝ maa a tuulɔ jeni, na na mǝ maa a Sadumaɨ, na tuulɔ nɨ wo dwiyen.

Matta 11:23 ပူးပေါင်းရင်းမြစ်များ

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

Matta 17:24

Nǝn kwama Yesu jǝbɔ bɛtɔ mɛlalɨ gǝnɔ a lam a tuulɔ Kafarnahumi, nǝb nɨ yo kemʌn tǝm Kan Kwaamanɔ lɛɨ ja bɛ a daa Bitrus woi, ja bʌ gǝn gɔ, “Feyi jenɔ ywa kemʌn tǝm Kan Kwaamanɔ lɛ ka?”

Matta 4:13

A bǝla Nazaratɨ, nǝngɔ a shu ya yɨ a Kafarnahumi, daa gɔ gǝ na a gwanga wɨma a tǝm Zabalunaɨ jǝbɔ Naftali.

Matta 8:5

Nǝn kwama Yesu a dɔ Kafarnahumi, kaa dʊʊ sʊwajaam a bɛ ba bʌ gǝn tɨkalɨ gɔ,

Luka 10:15

Jǝ́ nǝbɔ Kafarnahumi jǝ́ kuwo lɛ jǝ gung jen a dʌbʌl ka? Ɔ ɔ, jǝ gǝla nǝn jen a daa yamtǝm borang.

Luka 14:11

Nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Luka 16:23

Nǝngɔ nǝ shilo nɨ a dɔ mʊgɔ lɔ kǝlagɨɨ, a tǝl gʌtǝmɨ, a gung nu gǝnɨ, nǝngɔ a kuwo Ibrahim a kʊta nyɨɨ, jǝbɔ Liazaru a daalɨ gǝn.

Luka 4:23

Yesu a sʊwa gɔ, “N nyǝm jǝ́ sʊwa ɨ sʊwa ɨ mʊsǝn kɛl nɨɨ, ‘Nǝ bʊʊ, gung dul mʊnɔ nǝn kang mʊn. Kanjǝl nɨ nǝn nyʊwa mʊ maa a Kafarnahumi, maa fɔ tag a tuulɔ mɔ.’ ”

Maajɨ Bɛtɔ Twamagɨɨ 2:27

Jʊ a bwɨɨ mɨsɔ mʊ bǝla ɨ lɛ a daa yamtǝm borang. Mɨsɔ mʊ bǝla Nǝ Sagsag mʊnɔ lɛ a bʊta.

Maajɨ Bɛtɔ Twamagɨɨ 2:31

Dauda a kuwo a kǝgaɨ, nǝngɔ a sʊwa kɛl a dul guntǝm Kiristi a bwaaɨ, gɔ mɨsɔ jǝ bǝla gǝn nɛ a daa yamtǝm borang, bʊtɔ gǝnɔ mɨsɔ bʊta lɛ.

Yahuza 1:7

A na nyɔ, Sadumagɔ jǝbɔ Gwamratagɔ jǝbɔ tangǝn tuulɔtɨnɔ a daa gɨɨ, nǝbɔ tʌji ja tal tʌgo a maatǝm bulon jǝbɔ bwɨlan nɨ a shu kwaanɨ, ja nʊng ji ja yǝlam jǝ mɛlalɨ, jǝ mwɛ ji nǝn kǝla nɨ mɨ dumotǝm woi.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 11:8

Ja bǝla bʌlʌntɨn jinɔ a gola gʌleng tuulɔ nɨ a jelka Sadumagɔ nyɔ jǝbɔ Masarɨ, n daa nɨ ja kʊʊm Tɛlalɔ jini.

Dʊgam Nyangnyang 20:13

Nǝngɔ wɨmagɔ a nǝ bʌlʌntɨn nɨ a mʊgɔ gǝnɨ. Daa yamtǝm borangɔ a nǝ bʌlʌn nɨ a mʊgɔ gǝnɨ. Ja biyo jim borangɔ a yɔ dǝngdǝng jǝbɔ jʊtǝb nɨ ja maaɨ.

Dʊgam Nyangnyang 6:8

Mǝ dʌngi, nǝngɔ mǝ kuwo kaa tʊwa nɨ nǝn jʌmto jʌmto nyɨɨ. Dun nǝ gwitǝm gǝnɔ nǝn Bwaa. Daa yamtǝm borang a twal nǝn gɔ a bǝmtǝnɨ. Nǝngɔ ja nǝ ji kwaan win a mʊgɔ naal na tǝgatǝm yooligɨɨ, sǝ ja jʌ nǝbɔ nǝn gulʌn, jǝbɔ jʊwan, jǝbɔ bɔɔla, jǝbɔ namɔ kuuli.