Matta 11:22 - Dadiya NT

²² Mǝ sʊwa jen nɛ, gaalan nɨ jǝ nǝ jen nɛ nǝn kɔkɔ borangɨ, laa laa gaalan nɨ ja nǝ Tayagɔ jǝbɔ Sidoni.

Matta 11:22 ပူးပေါင်းရင်းမြစ်များ

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 11:21

“N mwɛ mʊn, Korasinu! N mwɛ mʊn, Betsaida! Na na kanjǝl laatǝm kang nɨ mǝ maa a tuulɔ mʊnɨ, na na mǝ maa a Taya jǝbɔ Sidoni, na ja yǝla ja bǝla bwɨlangkɛl jinɔ kǝnǝn, jǝ yǝm nǝn bwɨlang tulong dwang a mʊgɔ bugom.

Matta 11:24

Mǝ sʊwa jen nɛ, nǝn kɔkɔ borangɔ gaalan nɨ jǝ nǝ ń nɛɨ, laa laa gaalan nɨ ja nǝ tuulɔ Sadumagɨɨ.”

Matta 12:36

Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi.

Luka 10:14

Nǝn kɔkɔ borangɔ, nǝbɔ Tayaɨ jǝbɔ nǝbɔ Sidoni, Kwaama ji ji bʊnǝn jinɔ a laa a jenɔ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.

Dʊgam Nyangnyang 20:12

N kuwo bʌlʌn nǝb dʊʊmɨ jǝbɔ nǝb nɨ mɨ a nyiyo jǝlɨ, tɨlam a kǝga kotere fɔlɔnɔ gǝm. Langǝn bwangǝntɨnɔ a wumo wumoi. Kaa langǝn bwangǝnɔ a wumo wumoi wʊnɨ nǝn gɔ langǝn bwangǝn kʊlɨgɨɨ. Jǝ maa nǝb nɨ a bʊla bʊlaɨ gǝm borang a yɔ dǝngdǝng a jʊtǝb nɨ ja maaɨ, kanga ja mʊla a mʊgɔ langǝn bwangǝntɨnɔ gǝmɨ.