Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matta 11:21 - Dadiya NT

21 “N mwɛ mʊn, Korasinu! N mwɛ mʊn, Betsaida! Na na kanjǝl laatǝm kang nɨ mǝ maa a tuulɔ mʊnɨ, na na mǝ maa a Taya jǝbɔ Sidoni, na ja yǝla ja bǝla bwɨlangkɛl jinɔ kǝnǝn, jǝ yǝm nǝn bwɨlang tulong dwang a mʊgɔ bugom.

အခန်းကိုကြည့်ပါ။ ကော်ပီ




Matta 11:21
31 ပူးပေါင်းရင်းမြစ်များ  

Mǝ sʊwa jen nɛ, gaalan nɨ jǝ nǝ jen nɛ nǝn kɔkɔ borangɨ, laa laa gaalan nɨ ja nǝ Tayagɔ jǝbɔ Sidoni.


Yesu a gun a bǝla daa gɔ a shu a tǝm Taya jǝbɔ Sidon.


“N mwɛ yooli nɨɨ a dǝg nǝfitʌmɔ a maa bwɨlangkɛlɨ. Kanjǝl nɨ gǝ dǝg maatǝm bwɨlangkɛl lɛɨ bɛ bɛ. A dul kɛl nɨ, n mwɛ nʊ nɨ dǝg jʊ nɨ lɛ a bwɨɨ.


Bʊla Nǝlɨ shu shu kanga ja mʊla a dul gǝnɨ. N mwɛ nʊ nɨ a lungto Bʊla Nǝlɨ! Na a bʊm nyɔ ja bʌ gǝn bɔ.”


jǝbɔ nǝbɔ Urushalimaɨ, jǝbɔ nǝbɔ a Edomi, jǝbɔ nǝbɔ dʌng tiyo Urduni, jǝbɔ nǝbɔ Tayaɨ, jǝbɔ Sidoni. Nǝbɔ a lada a mʊgɔ jin ja bɛ sǝ ba jǝ kuwo kanjǝl nɨ ja nyʊwa gǝ maa lɛɨ.


Tʌgo a kang Yesu a dǝg bɛtɔ mɛlalɨ gǝnɔ ja dɔ mʊgɔ tɨyamwɛngɔ yɔ lɛ nǝn ji a dʌng wini a Betsaidaɨ, nǝngɔ a tɨ a ywa nǝbɔ gwamɨ.


Yesu a gun nǝngɔ a shu a tǝm Taya jǝbɔ Sidoni. A yɔ ya dɔ kaa lɔɨ. A swɨ bɔ nǝbɔ a nyǝm daa gǝ woi, maatǝmɔ nyɨɨ a kaa bɔ nǝbɔ nyǝmtǝm daa gǝ woi.


Nǝngɔ Yesu a bǝla tuulɔ Tayagɨɨ, a bwangtǝn a Sidon a yɔ a wɨma Galilii, a shu a tǝm Dikafolisi.


Ja la Betsaidaɨ, kaam nǝb a bɛ gǝm nǝn kaa kuli, ja kel gǝn gɔ a ke gǝn sǝ a gun.


Kwaama a twam bɔ Iliya nǝkuwotǝmkǝga a daa kaa wo win a kʊm jin. A yɔ a daagɔ kaa nɔɔkʊla nɨ a Zarifati, a tǝm Sidoni.


Yesu a gǝla jǝbɔ bɛtɔ mɛlalɨ gǝnɔ. Nǝngɔ a tɨ a kaa daa nɨ talɨgɔ nǝn bambam nyɨɨ. Bwɨ bɛtɔ mɛlalɨ gǝnɔ wo a daa gɔ. Tonʌn nǝbɨɨ a bɛ a daatɨnɔ gǝm nǝn dʌmʌn a tǝm Yahudiya, jǝbɔ Urushalima, jǝbɔ Taya, jǝbɔ Sidon tǝmtɨn nɨ a kʌng wɨmaɨ.


Kwama nɨ bɛtɔ twama gǝnɔ a yǝlamɨ, nǝngɔ ja sʊwa Yesu kanjǝl nɨ ja maa a yɔm jinɔ gǝmɨ. Nǝngɔ ja waam ja shu jǝbɔ gɔ a kaa tuulɔ nɨ jǝ jo lɛ gɔ Betsaidaɨ.


Filibus n bwɛ Betsaida, tuulɔ bǝ Andarawasɨ jǝbɔ Bitrus.


Nǝngɔ ja bɛ a daa Filibus woi, bwɛ Betsaidaɨ nɨ a Galilii, ja sʊwa gǝn gɔ, “Nǝ dʊʊ, nǝn swɨ lɛ nǝn kiyo kɛl jǝbɔ Yesu.”


Nǝn kwama gɔ, Hirudus a maa nabwɨl nyangǝn jǝbɔ nǝbɔ Tayaɨ, jǝbɔ nǝbɔ Sidoni. Nǝngɔ ja bɛ a daagɔ Hirudus woi nǝn bʊʊlalɨgɔ wini. Jǝ swɨ lɛ Bilastasa fɔlɔ lɔ fɔlɔnɔ a dɔ kʊm jinɔ jǝbɔ Hirudus. Nǝngɔ Bilastasa a jǝla gɔ gǝ tɨka ji tɨka. Ja ya nǝl jinɔ a fɔlɔ tǝm gɔ a kɛl dul jǝjalǝn jinɔ gǝm. N kɛl dul jʊ nɨ, jǝ swɨ lɛ ja fɛka yɨm jini.


Nǝn tǝmsɛlɨɨ, nǝn bɛ a Sidon. Yuliyas dʊʊ sʊwajaam nɨ a maa Bulus gǝm jǝ nya. A bǝla gǝn sǝ a yɔ ya kuwo fatǝlam gǝnɔ, sǝ ja tɨka gǝn.


N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.


Mǝ nǝ nǝ nǝb nǝtǝm nyiyo mǝndɨ nɨ yoi kwaan ja maa kuwotǝmkǝga, kumɔ fʊlkʊblǝn jǝbɔ fʊlkʊb yo jǝbɔ fʊltǝnukun (1,260), jǝ bwa dwang bʊnǝn a bʊtɔ jin.”


Nǝn kwama Bɛ Gal nɨ a gwal mɛl na nukuni, mǝ dʌngi, nǝngɔ tǝmɔ a mǝga nǝn jʌgjʌg nyɨɨ. Nu kwamagɔ a yǝlam a fili na tulong dwang nɨ ja fɛ nǝn yitʌn bɨ filii. Bwaalagɔ a yǝlam a feli na tʊʊm.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ