Matta 11:20 - Dadiya NT

²⁰ Nǝngɔ a tǝl gʊtǝm lɔl tuulɔtɨn nɨ ga maa kɔrɔ kanjǝl laatǝm kang a kʊm jini, jʊ a bwɨɨ ja yǝla bɔ ja bǝla bwɨlangkɛl jinɔ.

Matta 11:20 ပူးပေါင်းရင်းမြစ်များ

Matta 12:41

Galɨgǝn nǝbɔ Ninebaɨ a yǝla a bǝla bwɨlangkɛl jinɔ a gola fulon kɛlɔ Yunana a sʊwa jii. Kǝngkɔ nʊ nɨ a laa Yunanaɨ n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ nǝbɔ Ninebaɨ jǝ gun gun tʌgo a kal nɨ gǝm sǝ ja buulʌm jʊ ja maaɨ.

Markus 16:14

Nǝn gul Yesu a nʊng dul gǝnɔ a daagɔ bɛtɔ mɛlalɨ gǝnɔ woi kʊb jeli wini, a kwama jǝ jam jǝjalǝn nɛɨ. A ga ji a dul nǝtǝm bɨlǝngkɛlɔ mɨ ji nǝnɨ jǝbɔ bǝngɨ lɔl jinɔ ja kɔ jǝlatǝm nǝn nǝbɔ a kuwo gǝnɨ a gul guntǝm gǝnɔ a bwaaɨ.

Markus 9:19

Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛgɔ.”

Maajɨ Bɛtɔ Twamagɨɨ 17:20

Mʊ bɛla nǝm lɛ nǝn kaam kɛl fɨntɨn. Nǝn swɨ lɛ nǝn nyǝm jʊ nʊng lɛɨ.”

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Dʊgam Nyangnyang 16:11

Ja tuwo Kwaama dʌbʌlɔ a kɛl dul gaalan jinɔ gǝm jǝbɔ bɔɔla dɛɛbǝl bwɨlantɨn jinɔ. Ja yǝla bɔ ja bǝla maajɨ bwɨlan jinɔ.

Dʊgam Nyangnyang 16:9

Nǝngɔ shilotǝm bwɨlagɔ a twɨ nǝbɨɨ. A dǝg ji ja kal dun Kwaamaɨ sul, ja yǝla bɔ ja bǝla bwɨlangkɛltɨn jinɔ, ja nǝ gǝn bɔ dʊʊn, gǝ nɨ nǝngǝn nǝn fɔlɔn a dul gaalan bwɨlantɨn nɨɨ.

Dʊgam Nyangnyang 2:21

N nǝ gǝn gola sʊwatǝm ga yǝla ga bǝla bulon gǝnɔ, a kɔ.