Matta 11:1 - Dadiya NT

¹ Yesu a dɨ mɛlatǝm bɛtɔ mɛlalɨ gǝnɔ kʊb jeli yoi gǝm kɛl nɨɨ, nǝngɔ a gun a daa gɔ a shu ya mɛla nǝbɔ gǝm lɛɨ, kiyo jim kɛl Kwaamaɨ lɛ a tuulɔtɨn jini.

Matta 11:1 ပူးပေါင်းရင်းမြစ်များ

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Matta 7:28

Nǝn kwama Yesu a dɨm sʊwatǝm kanjǝl nɨɨ, kʌm nǝb nɨ a mʊrkaɨ, ja ta kang a nyiyo nǝn mɛlalɨ gǝnɔ,

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Markus 6:12

Nǝngɔ ja jel jǝ kiyo nǝbɔ gǝm lɛ gɔ ja yǝla ja bǝla bwɨlangkɛl jinɔ.

Luka 23:5

Ja tɨtǝn gɔ, “Mɛlalɨ gǝnɔ a gung nǝl nǝbɨɨ gwam a tǝm Yahudiya. A tǝl a mʊgɔ Galili, nǝngɔ ba la daa nɨɨ.”

Luka 8:1

Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Yohana 15:14

Na jǝ́ maa jʊ mǝ sʊwa jen mǝʊ jǝ́ maaɨ, jǝ́ fatǝlam mɨ.

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 10:42

Nǝngɔ a nǝ nǝn diil sǝ nǝn kiyo nǝbɔ gǝm kɛl Kwaamaɨ. A nǝ nǝn diil tag sǝ nǝn sʊwa nǝn gɔ Kwaama a jǝgǝm gǝn sǝ a maa nǝb nɨ kʊlɨgǝnɨ, jǝbɔ nǝbɔ a bʊla bʊlaɨ gǝm borangɨ.

1 Tasalonikaɨ 4:2

Jǝ́ nyǝm diil nɨ nǝn nǝ jen nǝn fɔlɔn Tɛlalɔ Yesui.

2 Tasalonikaɨ 3:10

Nǝn kwama bǝ dakinii, nǝn nǝ jen nǝɨ diil nɨ gɔ, “Gwam nʊ nɨ a kɔ maatǝm maajɨɨ, ka ja nǝ gǝn nɛ jǝjalǝn.”

2 Tasalonikaɨ 3:6

Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi.

1 Timoti 6:14

n mʊrka ń jǝbɔ Kwaama, bɛ ń bwangtǝn diil nɨ, mɨ duto wo, mɨ jǝ tuwol wo, a la nǝn kwama nɨ Tɛlalɔ bǝn Yesu Kiristi bɛm lɛ tagɨ.