Matta 10:32 - Dadiya NT

³² “Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.

Matta 10:32 ပူးပေါင်းရင်းမြစ်များ

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Yohana 9:22

Tɛtǝlam gǝnɔ a sʊwa nyɔ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Yahudawagɔ a kwɛl a kiyo kiyoi gɔ pʌd nʊ nɨ a sʊwa gɔ Yesu nǝn Kiristii, jǝ kaa gǝn kaa a kan mɛlalɨ jin.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

Dʊgam Nyangnyang 3:5

Nʊ nɨ a ku jelʌni, jǝ mal gǝm mal dwang fulontɨn. Mɨsɔ mǝ fʌto dun gǝnɔ lɛ a mʊgɔ Langǝn Bwangǝn Kʊlɨ nɨ. Mǝ sʊwa sʊwa mǝʊ gǝ na a mɨ a kǝga Tɛtɛ mɨɨ jǝbɔ kǝga bɛtɔ twama Kwaamaɨ tag.