Matta 10:2 - Dadiya NT

² Dun bɛtɔ twamagɔ kʊb jeli yoi n wɔ: Na tɨkǝgagɔ nǝn Saminu wʊnɨ jǝ jo lɛ gɔ Bitrusi, jǝbɔ kɨla gɔ Andarawas, jǝbɔ Yakubu bʊla Zabadi, jǝbɔ kɨla gɔ Yohana,

Matta 10:2 ပူးပေါင်းရင်းမြစ်များ

Matta 17:1

Kumɔ nukun a shui, nǝngɔ Yesu a do Bitrus jǝbɔ Yakubu jǝbɔ kɨla gɔ Yohana a yɔ nǝn ji fʌlen kwaaji a dʌbʌl yem nɨ a deba debaɨ.

Matta 20:20

Nǝn kwama nɛnɛ bɛtɔ lɔ Zabadii a bɛ a daa Yesu woi jǝbɔ bɛtɔ lɔ gɨɨ, nǝngɔ a ba jʊng a kǝga gǝn a kela gǝn kaa jǝlɨ.

Matta 26:37

A yɔ jǝbɔ Bitrus jǝbɔ bɛtɔ lɔ Zabadii nɨ yoi, Yakubu jǝbɔ Yohana, nǝngɔ a tǝl kaltǝm nǝl jǝbɔ komtǝmɨ.

Matta 4:18

Kwama Yesu yɔ lɛ a kʌng wɨma Galilii, nǝngɔ a kuwo kaam kɛb yoi, nǝn Saminu wʊnɨ jǝ jo lɛ gɔ Bitrusi jǝbɔ kɨla gɔ Andarawas. Jǝ nǝb tatǝm jʌngi, jǝ mal lɨyal a mʊgɔ wɨma.

Matta 4:21

A ja kǝga nǝn yɔmɨ, nǝngɔ a kuwo kaam kɛb yo tagɨ, nǝn Yakubu bʊla Zabadii, jǝbɔ kɨla gɔ Yohana, jǝ na a mʊgɔ tɨyamwɛng jǝ fɛ lɨyal jinɔ lɛ jǝbɔ tɛtɛ ji Zabadi. Nǝngɔ Yesu a jo jii.

Markus 1:29

Jeltǝm jinɔ nyɔ a kan mɛlalɨ jǝbɔ Yakubu, jǝbɔ Yohanaɨ, nǝngɔ ja shu a lɔ Bitrusi, jǝbɔ lɔ Andarawasɨ.

Markus 13:3

Yesu a bǝla Kan Kwaamanɔ ba yǝm a dʌbʌl tuli Yem Zaitun wʊnɨ dʌng kǝga Kan Kwaamanɔ lɛɨ. Nǝngɔ Bitrus jǝbɔ Yakubu jǝbɔ Yohana jǝbɔ Andarawas ba ja bʌ gǝn daddad gɔ,

Markus 6:30

Kwama bɛtɔ twama nɨ a yǝla ba nya Yesui, nǝngɔ ja sʊwa gǝn kanjǝl nɨ gwam jǝ maaɨ, jǝbɔ kanjǝl nɨ jǝ mɛlaɨ.

Luka 11:49

N jʊ a bwɨ Kwaama a nyǝmtǝm gǝn a sʊwa gɔ, ‘Mǝ twam jim twam nǝbkuwotǝmkǝga jǝbɔ bɛtɔ twama, wʊnɨ jǝ́ jʌbo kaamɨ lɛɨ, tangǝnɔ jǝ́ nǝ ji gaalan.’

Luka 22:14

Kumɔ ba laɨ, nǝngɔ Yesu a yɨ jatǝm jǝjalǝnɔ dakini jǝbɔ bɛtɔ twama gǝnɨ.

Luka 22:8

Yesu a twam Bitrus jǝbɔ Yohana gɔ, “Ya jǝ́ fɛka bǝm jǝjalǝn Dikulom Yabtǝmɔ sǝ bǝ ja.”

Luka 5:10

Yakubu jǝbɔ Yohana bɛtɨ lɔ Zabadii fatǝm maajɨ Bitrusi, ja ta kang a nyiyo tʌji. Nǝngɔ Yesu a sʊwa Bitrus gɔ, “Ka ń nyʊwa lɛ taal, jʊ a ta kǝngkɨɨ, n nǝb ya jǝ́ bɛ lɛ nǝnɨ ke bɔ jʌngi.”

Luka 9:10

Kwama nɨ bɛtɔ twama gǝnɔ a yǝlamɨ, nǝngɔ ja sʊwa Yesu kanjǝl nɨ ja maa a yɔm jinɔ gǝmɨ. Nǝngɔ ja waam ja shu jǝbɔ gɔ a kaa tuulɔ nɨ jǝ jo lɛ gɔ Betsaidaɨ.

Yohana 12:22

Nǝngɔ Filibus a yɔ ya sʊwa Andarawasɨ. Nǝngɔ ja yɔ ji yo ya ja sʊwa Yesui.

Yohana 13:23

Win a kʊm bɛtɔ mɛlalɨ gǝnɔ wʊnɨ Yesu swɨ lɛɨ, yǝm a kɔtʌgo a Yesu gǝm,

Yohana 20:2

Nǝngɔ a mwal a yɔ a daa Bitrus woi jǝbɔ bwɛ mɛlalɨ nɨ Yesu swɨ lɛɨ. A sʊwa ji gɔ, “Ja dem Tɛlalɔɨ a mʊgɔ tuu. Nǝn nyǝm bɔ daa nɨ ja yam gǝnɨ.”

Yohana 21:2

Saminu Bitrus, jǝbɔ Toma wʊnɨ jǝ jo lɛ gɔ, bɛtɔ yoi, jǝbɔ Nataniyel, bwɛ Kana a Galilii, jǝbɔ bɛtɔ lɔ Zabadii, jǝbɔ kaam bɛtɔ mɛlalɨgɔ yo jǝ dakini.

Yohana 21:20

Bitrus a yǝla a dʌng guli, nǝngɔ a kuwo bwɛ mɛlalɨ nɨ Yesu swɨ lɛɨ bwang jim lɛɨ. Nʊgɔ nǝn gɔ n bwɛ mɛlalɨgɔ a fɨl a kuli Yesui, nǝn kwama jatǝm jǝjalǝn Dikulom Yabtǝmɨ. Nǝn gɔ nʊgɔ a bʌ Yesu gɔ, “Tɛlalɔ, nuwo nyɨ lungto ń nɛɨ?”

Yohana 21:24

Nʊ nɨ nǝn gɔ bwɛ mɛlalɨ nɨ a nǝ nyiyo gǝ kuwo kanjǝl nɨ nǝn nu gǝnɨ, a mʊla tagɨ. Bǝ nyǝm jʊ nɨ ga sʊwaɨ, n bɨlǝngǝn.

Yohana 6:67

Nǝngɔ Yesu a bʌ bɛtɔ mɛlalɨ gǝnɔ nɨ kʊb jeli yoi gɔ, “Jen tʌjen jǝ́ swɨ lɛ jǝ́ shu ka?”

Yohana 6:70

Nǝngɔ Yesu a jǝla ji gɔ, “Nǝmǝ mǝ jǝgam jen kʊb jeli yo nɨɨ, win a kʊm jen n mamm.”

Yohana 6:71

Gǝ nʊng Yahuza bʊla Saminu Iskariyotii. Nǝn gɔ nʊ lungto gǝn nɛɨ, gǝ na win a mʊgɔ kʊb jeli yo nɨɨ.

Yohana 6:8

Nǝngɔ win a kʊm bɛtɔ mɛlalɨ gǝnɔ dunɔ nǝn Andarawas, kɨla Bitrusi a sʊwa Yesu gɔ,

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

Maajɨ Bɛtɔ Twamagɨɨ 1:26

Nǝngɔ ja ga kwannyagɔ a kʊm jii, nǝngɔ Matiyas a jaɨ. Nǝngɔ ja dǝg gǝn a yǝlam bwɛ twamaɨ jǝbɔ tangǝnɔ kʊb jeli wini.

Maajɨ Bɛtɔ Twamagɨɨ 12:2

A dǝg ja jʌ Yakubu kɨla Yohanaɨ nǝn gulʌn.

Maajɨ Bɛtɔ Twamagɨɨ 3:1

Kaa di Bitrus jǝbɔ Yohana jǝ shu lɛ a Kan Kwaaman nǝn kwama maatǝm keli, kemʌnɔ taal na kwaamɨ.

1 Korinti 15:7

Nǝngɔ a nʊng Yakubu dul gǝnɨ. Nǝngɔ a nʊng dul gǝnɔ a daagɔ tangǝn bɛtɔ twamagɔ woi.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

2 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.

3 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla Gayus gǝm lɛɨ, nʊ nɨ mǝ swɨ lɛ nǝn bɨlǝngǝnɨ.

Dʊgam Nyangnyang 1:1

Langǝn bwangǝn nɨ gǝ sʊwa jʊ Kwaama a nǝ Yesu Kiristii, sǝ a sʊwa bɛtɔ jwaalɛn gǝnɔ jʊ nɨ bwɨ bwɨ mɨsɔ kʊta lɛ. Nǝngɔ Kiristi a twam bwɛ twama Kwaamaɨ sǝ a sʊwa bwɛ jwaalɛ gǝnɔ Yohana kɛl nɨɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 18:20

Jǝ́ maa fulotǝm nǝl a dul gǝn, jen nɨ jǝ́ yǝm a dʌbʌl kwamaɨ! Jǝ́ maa fulotǝm nǝl a dul gǝn, jǝ́ nǝb sagsagɔ jǝbɔ bɛtɔ twamagɔ, jǝbɔ nǝbkuwotǝmkǝgagɔ! Jʊ a bwɨɨ Kwaamagɔ a mwɛ Babilagɔ a dul jʊ nɨ ga maa jemi!”

Dʊgam Nyangnyang 22:8

Mǝ Yohana, n nyʊwa, n kuwo kanjǝl nɨ. Kwama mǝ nyʊwam ji jǝbɔ kuwotǝm jini, nǝngɔ mǝ jʊng a kǝga bwɛ twama Kwaamaɨ nɨ a nʊng ɨ kanjǝl nɨ sǝ n maa gǝm bǝlátǝm.