Nǝngɔ Yesu a sʊwa gǝn gɔ, “Bɛ ka ń sʊwa lɛ kaa nǝl. A laa jǝl yɔ, ya nʊng dul mʊnɔ a daa nǝkǝlagɔ woi, sǝ ń tǝla twama, kanga Musa a nʊng gɔ ja maaɨ, sǝ a yǝlam nǝtǝm nyiyo a gungtǝm mʊnɔ gǝm.”
“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.
A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.
Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.
Nǝn kwama Bɛ Gal nɨ a gwal mɛl na nʊgɨɨ, n kuwo kʊlɨtɨn nǝb nɨ ja jʌbo a dul kɛl Kwaamaɨ, jǝbɔ nǝtǝm nyiyo a kɛl Kwaamaɨ ja maaɨ. N kuwo ji a sʊʊ daa twɨtǝm yulʌn.