Markus 10:1 - Dadiya NT

¹ Yesu a bǝla daa gɔ, a shu a gwanga Yahudiyaɨ jǝbɔ tiyo Urdun a dʌng wini. Nǝbɔ a lada nyɔ a yǝla a mʊrka a daa gǝ woi, nǝngɔ a mɛla jim kanga gǝ maam lɛɨ.

Markus 10:1 ပူးပေါင်းရင်းမြစ်များ

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Markus 1:21

Yesu jǝbɔ nǝb nɨ bwang gǝm lɛɨ, ja dɔ mʊgɔ Kafarnahum. Nǝngɔ a dɔ kan mɛlalɨ nǝn Kum Fǝbtǝm a tǝl mɛla jim lɛɨ.

Markus 10:2

Kaam nǝbɔ Farisaɨ a bɛ a daa gǝ woi sǝ jǝ tɛl gǝn nǝn bʌbotǝm kɛl gɔ, “A diilɔ gǝmɨ, n dǝngdǝng nǝl a dem kang a nwala gɔ gǝm ka?”

Markus 12:35

Nǝn kwama Yesu maam mɛlalɨ lɛ a Kan Kwaamanɨ, nǝngɔ a bʌ ji gɔ, “N wɛ a dǝg nǝb mɛlalɨ diilɔ a sʊwa gɔ, Kiristi nǝn bʊla Daudaɨ?

Markus 14:49

Kwangkwang mǝ dakini nǝbɔ jen a talɨ Kan Kwaaman mǝ maa mɛlalɨ lɛ, jǝ́ ta ɨ bɔ. Jʊ a bwɨ ja maa jʊ nɨ nyɨɨ, sǝ ja yii jʊ mʊlalɨ kɛl Kwaamaɨ a sʊwaɨ.”

Markus 2:13

Nǝngɔ Yesu a yǝla a jel a shu a kʌng wɨma Galilii, nǝbɔ a lada nyɔ a mʊrka a daa gǝ woi, nǝngɔ mɛla jim lɛɨ.

Markus 4:2

A mɛla jim kanjǝlɔ a lada nǝn mʊsǝn kɛltɨn. Nǝngɔ a sʊwa ji gɔ,

Markus 6:2

Nǝn Kum Fǝbtǝm, nǝngɔ a tǝl mɛlalɨgɔ a Kan mɛlalɨɨ. Nǝbɔ a lada na nyʊwa gǝn nɛɨ, ja ta kang a nyiyo, jǝ sʊwa lɛ gɔ, “Nʊ nɨ a nya yʊlan nɨ a fee gwam? Nyǝmtǝm wɛ ja nǝ gǝn nyɨɨ? Ga nya kwaan maatǝm jǝ laatǝm kang nɨ a fee?

Markus 6:34

A jel a tɨyamwɛng a kuwo kʌm nǝbɨɨ a mʊrka a lada nyɨɨ, nǝbɔ a bʊna gǝn, jʊ a bwɨɨ ja maa na kwamɨ nɨ mɨ nǝ tɔɔtǝm woi. Nǝngɔ a tǝl mɛla jim kanjǝlɔ lɛ a ladaɨ.

Markus 6:6

A ta kang a nyiyo a kɔtǝm nǝtǝm bɨlǝngkɛl jinɔ gǝm. Nǝngɔ kɛla bɛl tuulɔtɨnɔ lɛ kiyo jim kɛl Kwaamaɨ lɛɨ.

Yohana 10:40

Nǝngɔ Yesu a yǝla yab dʌng tiyo Urduni a daa Yohana yʊm nǝbɔ mwɛ sagsag lɛɨ nǝn tɨkǝgaɨ, a yɨ woi.

Yohana 11:7

A gulɔ gǝmɨ, a sʊwa bɛtɔ mɛlalɨ gǝnɔ gɔ, “Bǝ yǝla a Yahudiya.”

Yohana 18:20

Yesu a jǝla gǝn gɔ, “N sʊwa yooligɔ kɛl nɨ a talɨ, a nu nǝbɨɨ, mɛlatǝmɔ a kantɨn mɛlalɨɨ jǝbɔ Kan Kwaaman a daagɔ Yahudawagɔ woi gwam gǝ mʊrkam lɛɨ. Mǝ wuu bɔ wuui a sʊwatǝm kɛl.