Luka 9:48 - Dadiya NT

⁴⁸ Nǝngɔ a sʊwa ji gɔ, “Nʊ nɨ a yo bwɛ dwalɨ na wʊnɨ nǝn dun mɨɨ, nǝmǝ ga yo ii. Nʊ nɨ a yo ii, a yo nʊ nɨ a twam ɨɨ. Nʊ nɨ a dwal a kʊm jeni, nǝn gɔ n dʊʊɨ.”

Luka 9:48 ပူးပေါင်းရင်းမြစ်များ

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Matta 18:14

A na nyɔ, ke bɔ swɨtǝm Tɨya jen nɨ a dʌbʌl kwamaɨ nǝl win a mʊgɔ bɛtɔ dwalǝn nɨɨ a lɛla.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 25:45

Sǝla a gar jim gɔ, ‘Bɨlǝngǝn mǝ sʊwa jen nɛɨ, kanjǝl nɨ jǝ́ maa bɔ wo win a mʊgɔ nǝb nɨ ja ya ji bɔ a nyiyo jǝlɨ, jǝ́ maa mɨ bɔ.’

Markus 9:37

“Mǝ sʊwa jen nɛ na nʊ nɨ a yo win a mʊgɔ bɛtɔ dwalǝn nɨ na wʊnɨ a mʊgɔ dun mɨɨ, a yo i. Na nʊ nɨ a yo i, a yo bɔ mǝ, a yo nʊ nɨ a twam ɨɨ.”

Luka 10:16

“Na nʊ nɨ a nyʊwa jeni, a nyʊwa ɨ. Na nʊ nɨ a kɔ jeni, a kɔ ɨ. Nʊ nɨ a kɔ ɨɨ, a kɔ nʊ nɨ a twam ɨɨ.”

Luka 14:11

Nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Luka 22:26

Bɛ ka yǝlam lɛ nyɔ a kʊm jen. Bɛ dʊʊgɔ a kʊm jeni a yǝlam bwɛsǝn. Nʊ nɨ a kǝga jǝbɔ jeni a yǝlam na bwɛ jwaalɛ.

Luka 22:30

sǝ jǝ́ ja, jǝ́ nɔɔ jǝbɔ mǝ a fʌlen a mʊgɔ fɔlɔn lɔ mɨ, jǝ́ yɨ a kotere fɔlɔn, jǝ́ maa fɔlɔn nyatɨnɔ kʊb jeli yoi, a nǝbɔ Israilaɨ.

Luka 7:28

N sʊwa jen, a kʊm nǝbɔ nɔɔtǝmɔ a bʌi, mɨ nʊ nɨ wo a laa Yohana dʊʊnɨ. Kǝngkǝnɨ nʊ nɨ a dwal a fɔlɔn lɔ Kwaamaɨ a laa gǝn.”

Yohana 13:20

Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”

Yohana 14:21

Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

1 Bitrus 5:6

Bɛ jǝ́ shig dultɨn jenɔ a kǝga Kwaamaɨ, nǝ kwaanɔ, sǝ a gung jen a dʌbʌl nǝn di kɔkɔ dǝngdǝngɔ.

Dʊgam Nyangnyang 21:14

Kwalɨ tuulɔngɔ nǝngǝn nǝn jʌng kwalɨgɔ kʊb jeli yo. A dultɨn jinɔ gǝm ja mʊla duntɨn bɛtɔ twamagɔ kʊb jeli yoi a Bɛ Gal nɨ.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.