Luka 8:47 - Dadiya NT

⁴⁷ Nɔɔlɨ nɨ kuwo lɛ jǝ nyǝm gǝn nyǝmɨ, nǝngɔ a jeli, bʊtɔgɔ ka lɛ nǝn kʌbkʌb nyɔ. A jʊng a kǝga Yesui a sʊwa gǝn jʊ a bwɨ gǝ ke gǝnɨ, jǝbɔ lǝma nɨ gǝ nya tʌgo a kangɨ.

Luka 8:47 ပူးပေါင်းရင်းမြစ်များ

Matta 28:8

Nǝngɔ ja bǝla tuugɔ dǝbǝr dǝbǝr nǝn taalɨ, jǝbɔ fulotǝm nǝl a lada. Jǝ mwal lɛ sǝ ya jǝ sʊwa bɛtɔ mɛlalɨ Yesui.

Markus 5:33

Nɔɔlɨ nɨ a nyǝm jʊ nɨ a bwɨ nǝn gɨɨ, nǝngɔ a bɛ a mʊgɔ taal, bʊtɔ gǝnɔ ka lɛ nǝn kʌbkʌb nyɔ, a gǝla a jʊng a kǝga Yesui, a sʊwa gǝn bɨlǝngkɛlɨ.

Luka 8:46

Nǝngɔ Yesu a sʊwa gǝn gɔ, “Kaa nǝl a ke i. N nyʊwa kwaan gungtǝm nǝbɨɨ a jel a daa mǝ woi.”

Luka 8:48

Yesu a jǝla gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn.”

Maajɨ Bɛtɔ Twamagɨɨ 16:29

Nǝngɔ nǝ dʌngtǝm lɔsomigɔ a sʊwa gɔ ja bɛ nǝn kǝlagɔ. A gun dǝbǝr, a dɔ a mʊgɔ, a yɔ a kǝga Bulusi jǝbɔ Silaɨ, bʊtɔgɔ sʊwa mam lɛ nǝn taal.

1 Korinti 2:3

Mǝ bɛ a daa jen woi nǝn gɨyatǝm jǝbɔ taal, jǝbɔ katǝm bʊtɔ kʌbkʌb.

2 Korinti 7:15

Swɨtǝm gǝnɔ a daa jen woi a laa a galɨgɔ, nǝn kwama nɨ a dɔ bʊʊlatǝm nǝn bwangtǝmɔ jǝ́ maa gǝm gwamɨ, jǝ́ yo gǝn nǝn nǝtǝm dʊʊnɨ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.