Luka 8:18 - Dadiya NT

¹⁸ A dul kɛl nɨɨ bɛ jǝ́ kaa lɔl jenɔ a bʊm bʊmɨ na jǝ́ nyʊwa kɛl lɛɨ. Nʊ nɨ nǝn jǝlɨ, jǝ sʊ gǝm sʊ. Nʊ nɨ mɨ nǝn jǝlɨ, jʊ gǝ bʊʊla lɛ gǝ nǝnɨ, jǝ yem gǝm yem.”

Luka 8:18 ပူးပေါင်းရင်းမြစ်များ

Matta 13:12

Nʊ nɨ nǝn jǝlɨ, jǝ sʊ gǝm sʊ a lada. Nʊ nɨ mɨ nǝnɨ, kǝlɨ jʊ nɨ gǝ nǝnɨ, jǝ yem gǝm yem.

Matta 25:29

Nʊ nɨ nǝn jǝlɨ, jǝ sʊ gǝm sʊ a lada. Nʊ nɨ mɨ nǝnɨ, kǝlɨ jʊ nɨ gǝ nǝnɨ, jǝ yem gǝm yem.

Markus 13:14

“Kwama jǝ́ kuwo ‘ja maa jǝ bwɨla wʊnɨ a bʊm bɔ kuwotǝmɨ’ tɨm a daa nɨ a bʊm bɔ ja kuwo gǝn woi, wʊnɨ bɛ lɛ nǝn kaltǝmɨ, (nǝ kiyotǝmɔ bɛ ga nyǝm), bɛ nǝb nɨ a mʊgɔ Yahudiyaɨ ja mwal ja yɔ a mʊgɔ yemtɨn.

Luka 19:26

“Nǝngɔ a jǝla ji gɔ, ‘N sʊwa jen mǝʊ, nʊ nɨ gwam nǝn jǝlɨ, jǝ sʊ gǝm sʊ. Nʊ nɨ mɨ nǝn jǝlɨ, kǝlɨ jʊ nɨ gǝ nǝnɨ, jǝ yem gǝm yem.

Luka 9:44

“Jǝ́ kaa lɔl jǝ́ nyʊwa kɛl nɨ! Jǝ nǝ nǝ Bʊla Nǝlɨ a kang nǝfitʌmi.”

Yohana 15:2

Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 14:37

Na kaa nǝl do dul gǝnɔ lɛ gɔ gǝ nǝkuwotǝmkǝgaɨ, na gǝ na nǝn nǝtǝm lǝma Yʊwaɨ, bɛ ga nyǝm, jʊ nɨ mǝ mʊla jem lɛɨ n diil a daagɔ Tɛlalɔ woi.

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

1 Korinti 8:2

Nʊ nɨ kuwo lɛ gɔ gǝ nyǝm kaa jǝlɨ, lǝga bɔ a nyǝm jʊ nɨ a bʊm na gǝ nyǝm lɛɨ.

Filibii 3:4

mǝ tǝmɨ mǝ ya ya nǝl a maajɨ bʊtɔ na mǝ swɨ lɛɨ. Na kaam nǝbɔ ji nǝn jǝ yatǝm nǝl a maajɨ bʊtɔɨ, mǝ tǝmɨ mǝ nǝngǝn, n laa ji.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.