Luka 7:40 - Dadiya NT

⁴⁰ Yesu a sʊwa gǝn gɔ, “Saminu, mǝ nǝn jʊ nɨ mǝ sʊwa ń nɛɨ.” Nǝngɔ gɔ, “Sʊwa ɨ sɔ feyi.”

Luka 7:40 ပူးပေါင်းရင်းမြစ်များ

Matta 26:49

Nǝngɔ Yahuza a swa kǝga a daa Yesu woi, nǝngɔ gɔ, “Mǝ yal ń nɛ nǝ mɛlalɨ!” Nǝngɔ a kwal gǝnɨ.

Matta 7:22

Nǝbɔ a lada a kum gɔ sʊwa sʊwa gɔ, ‘Tɛlalɔ, Tɛlalɔ, nǝn maa bɔ kuwotǝmkǝga a mʊgɔ dun mʊn ka? Nǝn kaa bɔ nǝblaamɔ a mʊgɔ dun mʊn ka? Nǝn maa bɔ jǝ laatǝm kang a mʊgɔ dun mʊn ka?’

Luka 18:18

Kaa nǝ dʊʊ nǝbɨɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨltǝm woi?”

Luka 5:22

Yesu a kwɛl a nyǝm bʊʊlalɨ jinɔ, nǝngɔ a sʊwa ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Luka 5:31

Nǝngɔ Yesu a jǝla ji gɔ, “Nǝb nɨ kwamɨgǝnɨ mɨ jǝ yɔ lɛ a daa nǝ bʊʊ woi, n nǝbɔ mɨ kwamɨgǝnɨ gǝ yɔ lɛ woi.

Luka 6:8

Yesu a kwɛl a nyǝm jʊ jǝ bʊʊla lɛɨ, nǝngɔ a sʊwa gǝn gɔ, “Gun ba tɨ a kǝga nǝbɨɨ.” Nǝngɔ nʊ nɨ a gun ba tɨɨ.

Luka 7:39

Bwɛ Farisa nɨ a kuwo jʊ nɨ nɔɔlɨ nɨ maa lɛɨ, nǝngɔ a sʊwa a nǝl gǝn gɔ, “Na na nʊ nɨ n nǝkuwotǝmkǝgaɨ, na nyǝm nyǝm gɔ nɔɔlɨ nɨ ke naa gǝnɔ lɛɨ, nǝn nuwo. N nǝ bwɨlangkɛl.”

Luka 7:41

Yesu a sʊwa gǝn gɔ, “Kaam nǝb wo yo kaa nǝl bwang jim kemʌn nɛ. A wini gǝ bwang gǝm kemʌn sǝlǝnɔ fʊlkʊb nʊ, a wini kemʌn sǝlǝnɔ fʊltǝnʊ.

Yohana 13:13

Jǝ́ jo i gɔ ‘Feyi’ jǝbɔ ‘Tɛlalɔ.’ N dǝngdǝng. Mǝ na nyɔ.

Yohana 16:19

Yesu a nyǝm bɛtɔ mɛlalɨ gǝnɔ swɨ bʌtʌm gǝnɔ lɛ a kɛl nɨ gǝm. Nǝngɔ a sʊwa ji gɔ, “Jǝ́ bʌbko lɛ a bʊtɔ jen nǝn jʊ mǝ nʊng lɛɨ mǝ sʊwa mǝʊ, ‘A kǝlɨ kumtɨn mɨsɔ jǝ́ kuwo i lɛ. A kǝlɨ kumtɨn tag a gul jʊ nɨ, jǝ́ kuwo i kuwo i?’

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”