Luka 7:19 - Dadiya NT

¹⁹ Nǝngɔ a jo yo a kʊm jini. A twam ji a daa Tɛlalɔ woi, gɔ ja bʌ gǝn, “Nǝmɔ wʊnɨ ja sʊwa gɔ bɛ lɛɨ ka? Nǝ dʌng kaa nǝl ka?”

Luka 7:19 ပူးပေါင်းရင်းမြစ်များ

Markus 6:7

Nǝngɔ Yesu a jo kʊb jeli yo nɨ a tǝl twamtǝm jinɔ yo yoi, a nǝ ji fɔlɔn jǝgtǝm yʊwa bwɨlantɨnɨ.

Luka 10:1

Bǝmtǝn nɛɨ, Tɛlalɔ a jǝgam kaam nǝbɔ fʊltǝnʌbʌl jeli yo. Nǝngɔ a twam ji yo yo a tuulɔtɨn jǝbɔ daatɨn nɨ ba gǝ yɔ lɛ woi.

Luka 11:1

Kaa di Yesu maa keli lɛ a kaa daa. A dɨ maatǝm keli gɨɨ, nǝngɔ win a mʊgɔ bɛtɔ mɛlalɨ Yesui a sʊwa gǝn gɔ, “Tɛlalɔ mɛla nǝm kanga nǝ maam keligɔ lɛɨ, kanga Yohana a mɛla bɛtɔ mɛlalɨ gǝnɔ gǝmɨ.”

Luka 11:39

Nǝngɔ Tɛlalɔ a sʊwa gǝn gɔ, “Jǝ́ nǝbɔ Farisaɨ jǝ́ saalǝm gul kʌshi nɔɔmwɛnɔ jǝbɔ gul kʌshigɔ, mʊgɔ nǝl jenɔ n tʊʊl jǝbɔ shil a yii sǝgǝrɨ.

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 13:15

Nǝngɔ Tɛlalɔ a jǝla gǝn gɔ, “Nǝb fento nǝn kwan! Nuwo a kʊm jen mɨsɔ kwɨ nɛɛ gǝnɔ lɛ, mɨsɔ kwɨ lungsong gǝnɔ lɛ a daa kwatǝm, a yɔ nǝn ya nǝ gǝn mwɛ nǝn Kum Fǝbtǝmɨ?

Luka 17:5

Bɛtɔ twamagɔ a sʊwa Tɛlalɔ gɔ, “Sʊ nǝm nǝtǝm bɨlǝngkɛlɔ.”

Luka 17:6

Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”

Luka 18:6

Nǝngɔ Tɛlalɔ a sʊwa gɔ, “Nyʊwa jʊ nǝ biyotǝm borang nɨ mɨ dǝngdǝngɨ a sʊwaɨ.

Luka 19:8

Nǝngɔ Zakka a gun a sʊwa Tɛlalɔ gɔ, “Tɛlalɔ, dʌng shilo mɨ, mǝ bel jʊ mǝ nǝnɨ lɔngɔ yo, sǝ n nǝ nǝbɔ mɨ nǝnɨ lɔngɔ win. Na n ja mɨbam kaa nǝlɨ wo a dul kaa jǝlɨ, mǝ ywa gǝn ywa tʌgo naagɔ naal a dul jʊ mǝ yoi.”

Luka 22:61

Tɛlalɔ a ka nu a dʌng gǝnɨ, nǝngɔ Bitrus a bʊʊla nǝn jʊ Tɛlalɔ a sʊwa gǝnɨ gɔ, “Dwiyen mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.”

Luka 24:34

Nǝngɔ bɛtɔ mɛlalɨgɔ a sʊwa gɔ, “N bɨlǝngkɛl, Tɛlalɔ a gun, a nʊng dul gǝnɔ a daa Saminu woi.”

Luka 7:13

Kwama Tɛlalɔ a kuwo nɔɔlɨ nɨɨ, nǝngɔ a ji bʊnǝn gǝnɨ, a sʊwa gǝn gɔ, “Bɛ ka ń ji lɛ wi.”

Luka 7:20

Ja yɔ a daa Yesu woi, nǝngɔ ja sʊwa gɔ, “Yohana nǝ Yʊtǝm mwɛ Sagsagɔ a twam nǝn gɔ ba nǝn bʌ ń, ‘Nǝmɔ wʊnɨ ja sʊwa gɔ bɛ lɛɨ ka? Nǝ dʌng kaa nǝl ka?’ ”

Yohana 11:2

Liazaru, wʊnɨ mɨ kwamɨgǝnɨ, nǝn kɨla Maryamui, wʊnɨ a kul Tɛlalɔ gǝm nwang lǝmɨɨ, a waam naatɨn gǝnɔ nǝn yitʌn dul gǝnɨ.

Yohana 4:1

Nǝbɔ Farisaɨ a nyʊwa gɔ Yesu nya nǝb mɛlalɨgɔ lɛ, yʊ nǝbɔ mwɛ sagsagɔ lɛ a laa a Yohanaɨ.

Yohana 4:25

Nǝngɔ nɔɔlɨ nɨ a sʊwa Yesu gɔ, “N nyǝm Nʊ nɨ ja jǝgǝmɨ bɛ lɛ wʊnɨ jǝ jo gǝn nɛ gɔ Kiristii. Na a bɛɨ, nʊng nǝn nʊng kanjǝlɔ gwam.”

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

Dʊgam Nyangnyang 11:3

Mǝ nǝ nǝ nǝb nǝtǝm nyiyo mǝndɨ nɨ yoi kwaan ja maa kuwotǝmkǝga, kumɔ fʊlkʊblǝn jǝbɔ fʊlkʊb yo jǝbɔ fʊltǝnukun (1,260), jǝ bwa dwang bʊnǝn a bʊtɔ jin.”