Luka 7:13 - Dadiya NT

¹³ Kwama Tɛlalɔ a kuwo nɔɔlɨ nɨɨ, nǝngɔ a ji bʊnǝn gǝnɨ, a sʊwa gǝn gɔ, “Bɛ ka ń ji lɛ wi.”

Luka 7:13 ပူးပေါင်းရင်းမြစ်များ

Markus 8:2

“Nǝb nɨ bʊna ɨ lɛ nyɔ, jʊ a bwɨɨ dwiyen kum jinɔ taal jǝbɔ mǝ, mɨ ji nǝn jǝjalǝn.

Luka 10:1

Bǝmtǝn nɛɨ, Tɛlalɔ a jǝgam kaam nǝbɔ fʊltǝnʌbʌl jeli yo. Nǝngɔ a twam ji yo yo a tuulɔtɨn jǝbɔ daatɨn nɨ ba gǝ yɔ lɛ woi.

Luka 11:1

Kaa di Yesu maa keli lɛ a kaa daa. A dɨ maatǝm keli gɨɨ, nǝngɔ win a mʊgɔ bɛtɔ mɛlalɨ Yesui a sʊwa gǝn gɔ, “Tɛlalɔ mɛla nǝm kanga nǝ maam keligɔ lɛɨ, kanga Yohana a mɛla bɛtɔ mɛlalɨ gǝnɔ gǝmɨ.”

Luka 11:39

Nǝngɔ Tɛlalɔ a sʊwa gǝn gɔ, “Jǝ́ nǝbɔ Farisaɨ jǝ́ saalǝm gul kʌshi nɔɔmwɛnɔ jǝbɔ gul kʌshigɔ, mʊgɔ nǝl jenɔ n tʊʊl jǝbɔ shil a yii sǝgǝrɨ.

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 13:15

Nǝngɔ Tɛlalɔ a jǝla gǝn gɔ, “Nǝb fento nǝn kwan! Nuwo a kʊm jen mɨsɔ kwɨ nɛɛ gǝnɔ lɛ, mɨsɔ kwɨ lungsong gǝnɔ lɛ a daa kwatǝm, a yɔ nǝn ya nǝ gǝn mwɛ nǝn Kum Fǝbtǝmɨ?

Luka 17:5

Bɛtɔ twamagɔ a sʊwa Tɛlalɔ gɔ, “Sʊ nǝm nǝtǝm bɨlǝngkɛlɔ.”

Luka 17:6

Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”

Luka 18:6

Nǝngɔ Tɛlalɔ a sʊwa gɔ, “Nyʊwa jʊ nǝ biyotǝm borang nɨ mɨ dǝngdǝngɨ a sʊwaɨ.

Luka 19:8

Nǝngɔ Zakka a gun a sʊwa Tɛlalɔ gɔ, “Tɛlalɔ, dʌng shilo mɨ, mǝ bel jʊ mǝ nǝnɨ lɔngɔ yo, sǝ n nǝ nǝbɔ mɨ nǝnɨ lɔngɔ win. Na n ja mɨbam kaa nǝlɨ wo a dul kaa jǝlɨ, mǝ ywa gǝn ywa tʌgo naagɔ naal a dul jʊ mǝ yoi.”

Luka 22:61

Tɛlalɔ a ka nu a dʌng gǝnɨ, nǝngɔ Bitrus a bʊʊla nǝn jʊ Tɛlalɔ a sʊwa gǝnɨ gɔ, “Dwiyen mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.”

Luka 24:3

Kwama ja dɔm mʊgɔ tuugɨɨ, ja nya bɔ bʊtɔ Tɛlalɔ Yesui wo.

Luka 24:34

Nǝngɔ bɛtɔ mɛlalɨgɔ a sʊwa gɔ, “N bɨlǝngkɛl, Tɛlalɔ a gun, a nʊng dul gǝnɔ a daa Saminu woi.”

Luka 7:12

Ya ja dwama nyanga tuulɔngɨɨ, kaam nǝb jǝ jel lɛ nǝn bʌlʌn bwaa kaa bwayǝlɨɨ, nɛnɛ gɔ a bʌ gǝn kwaagɔ win, n nɔɔkʊla. Nǝbɔ a lada a tuulɔ gɔ ja jel jǝ ywa gǝn nɛ.

Luka 7:14

Nǝngɔ a yɔ ya ke wɨlǝn bwaagɨɨ, nǝbɔ a taba wɨlǝnɨ nǝngɔ ja tɨɨ. Yesu gɔ, “Bwayǝlɨ, n sʊwa ń mǝʊ ń gun!”

Luka 7:19

Nǝngɔ a jo yo a kʊm jini. A twam ji a daa Tɛlalɔ woi, gɔ ja bʌ gǝn, “Nǝmɔ wʊnɨ ja sʊwa gɔ bɛ lɛɨ ka? Nǝ dʌng kaa nǝl ka?”

Luka 8:52

Bwɨ nǝb nɨ a mʊrka a lɔ nɨɨ, jǝ ji wigɔ lɛ jǝ gaba kwaalɨgɔ lɛ a dul bwɛnɔɔlɨ nɨ a bʊlaɨ. Yesu a sʊwa gɔ, “Bɛ ka jǝ́ ji lɛ wi. Bwɛnɔɔlɨ nɨ a bʊla bɔ. Gǝ daa dum.”

Yohana 11:2

Liazaru, wʊnɨ mɨ kwamɨgǝnɨ, nǝn kɨla Maryamui, wʊnɨ a kul Tɛlalɔ gǝm nwang lǝmɨɨ, a waam naatɨn gǝnɔ nǝn yitʌn dul gǝnɨ.

Yohana 11:3

Kɛtǝlam gǝnɔ nɔɔtǝnɔ ja twam Yesu gǝm gɔ, “Tɛlalɔ, n wɔ nʊ nɨ mʊ swɨ lɛɨ, mɨ kwamɨgǝn.”

Yohana 20:13

Nǝngɔ bɛtɔ twama Kwaamaɨ ja bʌ gǝn gɔ, “Nɔɔlɨ dʊʊ, n wɛ bwɨ mʊ ji wi lɛɨ?” A sʊwa ji gɔ, “Ja dem Tɛlalɔ mɨ. Mǝ nyǝm bɔ daa nɨ ja yam gǝnɨ.”

Yohana 20:15

Nǝngɔ Yesu a bʌ gǝn gɔ, “Nɔɔlɨ, n wɛ a bwɨ mʊ ji lɛɨ? Mʊ saa wo?” Nyǝma lɛ gɔ kɛna nǝn gɔ nʊ nɨ maa maajɨ lɛ a twam jǝ mwɛɨ, nǝngɔ a sʊwa gǝn gɔ, “Tɛlalɔ, na nǝmɔ mʊ do gǝnɨ, sʊwa ɨ daa nɨ mʊ yam gǝn woi, sǝ ya n do gǝn.”

Yohana 4:1

Nǝbɔ Farisaɨ a nyʊwa gɔ Yesu nya nǝb mɛlalɨgɔ lɛ, yʊ nǝbɔ mwɛ sagsagɔ lɛ a laa a Yohanaɨ.

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

1 Korinti 7:30

Nǝb jitǝm wigɔ, maamɔ ke bɔ wi jǝ ji lɛɨ, nǝb fulotǝm nǝlɔ, maamɔ ke bɔ fulotǝm nǝl jǝ maa lɛɨ, nǝb tentǝmɔ, maamɔ ja ta bɔ jǝl wo a kang.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.