Luka 6:6 - Dadiya NT

⁶ Kaa di tag nǝn Kum Fǝbtǝm, nǝngɔ Yesu a dɔ kan mɛlalɨ, mɛla jim lɛɨ. Kaa nǝl wo wʊnɨ kang jajǝng gǝnɔ a swam swamɨ.

Luka 6:6 ပူးပေါင်းရင်းမြစ်များ

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Luka 13:10

Kaa di Yesu maa mɛlalɨ lɛ a mʊgɔ kan mɛlalɨ nǝn Kum Fǝbtǝm.

Luka 14:3

Nǝngɔ Yesu a bʌ nǝbɔ Farisaɨ jǝbɔ nǝb mɛlalɨ diilɔ gɔ, “Diil bǝnɔ a jǝla nyɔ gɔ ja gung nʊ nɨ mɨ kwamɨgǝnɨ nǝn Kum Fǝbtǝm ka? A jǝla bɔ nyɔ ka?”

Luka 4:16

Yesu a shu a Nazarat, a daagɔ a dʊʊlǝmɨ. A dɔ kan mɛlalɨ a Kum Fǝbtǝm kanga gǝ maam lɛɨ. Nǝngɔ a gun sǝ a kiyoi.

Luka 4:31

Nǝngɔ a shu a tuulɔ Kafarnahum a tǝm Galilii. A dɔ kan mɛlalɨ nǝn Kum Fǝbtǝm mɛla jim lɛ woi.

Luka 6:1

Kaa di nǝn Kum Fǝbtǝm, Yesu jǝbɔ bɛtɔ mɛlalɨ gǝnɔ ja shu lɛ a gola nɨ a yɔ twam mwarɔ nǝbɨɨ, bɛtɔ mɛlalɨ gǝnɔ kǝl mwarɔgɔ lɛ, jǝ mʊʊshɨ lɛ, jǝ kʊʊ lɛ.

Luka 6:5

Nǝngɔ a sʊwa ji gɔ, “Bʊla Nǝlɨ nǝn gɔ Tɛlalɔ a dul Kum Fǝbtǝmɨ.”

Yohana 5:3

Nǝbɔ mɨ kwamɨgǝnɨ a lada jǝ daa a kukulong wulong nɨ, kululʌmɔ, jǝbɔ nǝbɔ mɨ nǝn naaɨ, jǝbɔ nǝbɔ bʊtɔgɔ a swam swamɨ, jǝ daa wo. [

Yohana 9:16

Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.