Luka 6:23 - Dadiya NT

²³ “Bɛ nǝl jenɔ a fulo nǝn jʊ nɨ a bwɨ nǝn jeni, bɛ jǝ́ yo nǝn bǝlátǝm, jʊ a bwɨɨ kanjǝlɔ jǝ́ nya lɛ a dʌbʌli a gǝlala. Tʊgalam jinɔ a maa nǝbkuwotǝmkǝgagɔ gǝm nyɔ.

Luka 6:23 ပူးပေါင်းရင်းမြစ်များ

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Luka 1:41

Kwama nɨ Alisabatu a nyʊwam diil Maryamui yal gǝn nɛɨ, nǝngɔ bwɛ nɨ a fʌl gǝnɨ a mǝgaɨ, Yʊwa Kwaamaɨ tag a yii Alisabatu.

Luka 1:44

Nǝn kwama nɨ mǝ nyʊwam yaltǝm mʊnɨ, bwɛ dwalɨ nɨ a fʌl mɨɨ, a mǝga nǝn fulotǝm nǝl.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Maajɨ Bɛtɔ Twamagɨɨ 14:10

Nǝngɔ a gung diil gǝnɔ nǝn kwaan gɔ, “Gun tɨ tɨɨ nǝn naatɨn mʊnɔ.” Nǝngɔ a gun a mɔ, a tǝl yɔmɨ.

Maajɨ Bɛtɔ Twamagɨɨ 3:8

Nǝngɔ a gun dǝbǝr a tɨ sɨnɨ, a tǝl yɔmɨ, a dɔ mʊgɔ Kan Kwaamanɔ jǝbɔ ji, yɔ lɛ, mɔba lɛ, bǝlá Kwaama lɛ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Roma 5:3

A sʊtǝnɨ, bǝ maa lɨyal lɛ nǝn nɔɔtǝm gaalan bǝnɔ. Bǝ nyǝm nɔɔtǝm gaalanɔ nǝn gɔ gǝ bɛ lɛ nǝn bwatǝm nǝlɨ.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

Ibranii 11:26

A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Yakubu 1:2

Kɛtǝlam mɨ, bɛ jǝ́ dǝg gaalantɨn nɨ tɛl nǝtǝm bɨlǝngkɛl jenɔ lɛɨ a yǝlam jǝ fulotǝm nǝl.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:26

“Nʊ nɨ a ku jelʌn, a kɨla diil mǝndɨ a yɔ nǝn a dɨltǝmɨ, mǝ nǝ gǝn nǝ fɔlɔn a dul Bʌtʌbi,

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.

Dʊgam Nyangnyang 21:7

Nʊ nɨ a ku jelʌni, ja ja kʊlagɔ a daa mǝ woi. N yǝlam Kwaama gǝn, gǝ tǝgǝn a yǝlam bwɛ a daa mǝ woi.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.

Dʊgam Nyangnyang 3:5

Nʊ nɨ a ku jelʌni, jǝ mal gǝm mal dwang fulontɨn. Mɨsɔ mǝ fʌto dun gǝnɔ lɛ a mʊgɔ Langǝn Bwangǝn Kʊlɨ nɨ. Mǝ sʊwa sʊwa mǝʊ gǝ na a mɨ a kǝga Tɛtɛ mɨɨ jǝbɔ kǝga bɛtɔ twama Kwaamaɨ tag.