Luka 6:21 - Dadiya NT

²¹ Bwiligɔ na a jen, jen nɨ jǝ́ nyʊwa jʊwan nɛ kǝngkɨɨ, jʊ a bwɨɨ jǝ́ bo bo! Bwiligɔ na a jen, jen nɨ jǝ́ ji wi lɛ kǝngkɨɨ, jʊ a bwɨɨ jǝ́ dǝg dǝg dǝgɨ.

Luka 6:21 ပူးပေါင်းရင်းမြစ်များ

Matta 5:4

Bwiligɔ na a nǝb nɨ nǝn kaltǝm nǝlɨ, jʊ a bwɨɨ jǝ nya nya yʌbtǝm nǝl.

Matta 5:6

Bwiligɔ na a nǝb nɨ a ya nǝl a maatǝm jʊ nɨ dǝngdǝngɨ, jʊ a bwɨɨ jǝ bo bo.

Luka 1:53

A ja nǝn nǝb nɨ nyʊwa jʊwan nɛɨ nǝn kanjǝl nyan. A kaa nǝb shilogɔ kangɔ kwakwa.

Luka 6:20

Yesu a dʌng bɛtɔ mɛlalɨ gǝnɨ, nǝngɔ a sʊwa ji gɔ, “Bwiligɔ na a jen, jen nɨ jǝ́ yǝm a mʊgɔ bʊnǝnɨ, jʊ a bwɨɨ fɔlɔn lɔ Kwaamaɨ na a jen.

Luka 6:22

Bwiligɔ na a jen, jǝ́ nǝbɔ ja kɔ jeni, ja jǝgǝm jen, jǝ tuwo jen nɛɨ, jǝ kal dun jenɔ lɛ a kɛl dul Bʊla Nǝlɨ.

Luka 6:25

N mwɛ jen, jen nɨ jǝ́ boba kǝngkɨɨ, jǝ́ nyʊwa nyʊwa jʊwan. N mwɛ jen, jen nɨ jǝ́ dǝg dǝgɨ lɛ kǝngkɨɨ, jǝ́ ji ji wi bwaa nǝn mwɛ num!

Yohana 11:35

Yesu a ji wi.

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Yohana 6:35

Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

1 Korinti 4:11

Kǝngkǝnɨ, n jʊwan nǝn nyʊwa lɛɨ, jǝbɔ diil mwɛ. Nǝn dʊʊ tulong dwang. Jǝ bʊg nǝn nɛ. Mɨ nǝn nǝn lɔ.

2 Korinti 11:27

N nɔɔ gaalan maajɨ dangǝn. Mǝ nya bɔ daatǝm dum. N nɔɔ gaalan jʊwan jǝbɔ laatǝm mwɛ. Naagɔ a laa kwaan mǝ nya bɔ jǝjalǝn. N nyʊwa juul. N yɔ bʊtɔgɔ kwakwa.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Dʊgam Nyangnyang 21:3

N nyʊwa kaa diil nǝn kwaan nyɔ a daagɔ kotere fɔlɔnɔ woi, sʊwa lɛ gɔ, “Jǝ́ kuwo, daa yɨm Kwaamaɨ gǝ na jǝbɔ nǝbɔ, yɨ jǝbɔ ji. Jǝ yǝlam nǝbam gǝn, Kwaama nǝn dul gǝn yɨ yɨ jǝbɔ ji a yǝlam Kwaama ji.

Dʊgam Nyangnyang 7:16

Mɨsɔ jǝ nyʊwa jʊwan nɛ tag, mɨsɔ jǝ nyʊwa diil mwɛ lɛ wo tag. Mɨsɔ kɔkɔ ga dul jinɔ lɛ, mɨ kaa twɨtǝm kɔkɔ wo.