Luka 6:13 - Dadiya NT

¹³ Nǝn tǝmsɛlɨɨ, nǝngɔ a jo bɛtɔ mɛlalɨ gǝnɨ, a kʊm jinɔ gǝm nǝngɔ a jǝgam nǝbɔ kʊb jeli yoi. Nǝngɔ a jo ji gɔ jǝ bɛtɔ twama gǝnɨ.

Luka 6:13 ပူးပေါင်းရင်းမြစ်များ

Matta 10:2

Dun bɛtɔ twamagɔ kʊb jeli yoi n wɔ: Na tɨkǝgagɔ nǝn Saminu wʊnɨ jǝ jo lɛ gɔ Bitrusi, jǝbɔ kɨla gɔ Andarawas, jǝbɔ Yakubu bʊla Zabadi, jǝbɔ kɨla gɔ Yohana,

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Matta 9:36

A kuwo mʊrkalɨ nǝbɨɨ a lada nyɨɨ, bʊnatǝmɔ a ta gǝn, jʊ a bwɨɨ jǝ nɔɔ gaalan nɛ, ja kwɨya tǝmɔ nǝn kwan, na kwamɨtɨn nɨ mɨ nǝ tɔɔtǝm woi.

Markus 6:30

Kwama bɛtɔ twama nɨ a yǝla ba nya Yesui, nǝngɔ ja sʊwa gǝn kanjǝl nɨ gwam jǝ maaɨ, jǝbɔ kanjǝl nɨ jǝ mɛlaɨ.

Markus 6:7

Nǝngɔ Yesu a jo kʊb jeli yo nɨ a tǝl twamtǝm jinɔ yo yoi, a nǝ ji fɔlɔn jǝgtǝm yʊwa bwɨlantɨnɨ.

Luka 11:49

N jʊ a bwɨ Kwaama a nyǝmtǝm gǝn a sʊwa gɔ, ‘Mǝ twam jim twam nǝbkuwotǝmkǝga jǝbɔ bɛtɔ twama, wʊnɨ jǝ́ jʌbo kaamɨ lɛɨ, tangǝnɔ jǝ́ nǝ ji gaalan.’

Luka 22:30

sǝ jǝ́ ja, jǝ́ nɔɔ jǝbɔ mǝ a fʌlen a mʊgɔ fɔlɔn lɔ mɨ, jǝ́ yɨ a kotere fɔlɔn, jǝ́ maa fɔlɔn nyatɨnɔ kʊb jeli yoi, a nǝbɔ Israilaɨ.

Luka 6:14

Dun jinɔ n wɔ, Saminu (Yesu a ja gǝm kaa dun gɔ Bitrus), jǝbɔ Andarawas (kɨla Bitrusi), jǝbɔ Yakubu, jǝbɔ Yohana, jǝbɔ Filibus, jǝbɔ Bartalamawas, jǝbɔ

Yohana 4:33

Nǝngɔ bɛtɔ mɛlalɨ gǝnɔ a bʌbko a bʊtɔ jin gɔ, “Na kaa nǝl a bɛ gǝm nǝn jǝjalǝn nɨɨ ka?”

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

Afisa 2:20

Jǝ́ nǝb nɨ ja mɔ a dʌbʌl fʌlʌm bɛtɔ twamagɨɨ jǝbɔ a nǝbkuwotǝmkǝgagɨɨ. Kiristi Yesu nǝn dul gǝn nǝn gɔ tɛl fʌlʌm kanɨ.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

Dʊgam Nyangnyang 12:1

Nǝngɔ ja kuwo kaa jǝ laatǝm kang a dʌbʌl kwamaɨ. Kaa nɔɔlɨ a kwab bʊtɔ gǝnɔ nǝn nu kwamagɔ, tɨm a dʌbʌl bwaala. Nǝngǝn nǝn dwang dul nɨ nǝn nyanyamɨtɨnɔ kʊb jeli yo a dul gǝnɨ.

Dʊgam Nyangnyang 18:20

Jǝ́ maa fulotǝm nǝl a dul gǝn, jen nɨ jǝ́ yǝm a dʌbʌl kwamaɨ! Jǝ́ maa fulotǝm nǝl a dul gǝn, jǝ́ nǝb sagsagɔ jǝbɔ bɛtɔ twamagɔ, jǝbɔ nǝbkuwotǝmkǝgagɔ! Jʊ a bwɨɨ Kwaamagɔ a mwɛ Babilagɔ a dul jʊ nɨ ga maa jemi!”

Dʊgam Nyangnyang 21:14

Kwalɨ tuulɔngɔ nǝngǝn nǝn jʌng kwalɨgɔ kʊb jeli yo. A dultɨn jinɔ gǝm ja mʊla duntɨn bɛtɔ twamagɔ kʊb jeli yoi a Bɛ Gal nɨ.