Luka 5:33 - Dadiya NT

³³ Na kaam nǝb ba bʌ Yesu gɔ, “Bɛtɔ mɛlalɨ Yohanaɨ jǝ do do diil mwɛ kwangkwang mɨ jǝ ja jǝjalǝn nɛ, jǝ maa maa keli Kwaamaɨ, bɛtɔ mɛlalɨ nǝbɔ Farisaɨ nyɔ tʌji. N wɛ a bwɨ bɛtɔ mɛlalɨ mʊnɔ jǝ ja lɛ, jǝ nɔɔ lɛ, ja do bɔ diil mwɛɨ?”

Luka 5:33 ပူးပေါင်းရင်းမြစ်များ

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Markus 12:40

N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa, a shiloi.”

Luka 11:1

Kaa di Yesu maa keli lɛ a kaa daa. A dɨ maatǝm keli gɨɨ, nǝngɔ win a mʊgɔ bɛtɔ mɛlalɨ Yesui a sʊwa gǝn gɔ, “Tɛlalɔ mɛla nǝm kanga nǝ maam keligɔ lɛɨ, kanga Yohana a mɛla bɛtɔ mɛlalɨ gǝnɔ gǝmɨ.”

Luka 18:12

Mǝ do diil mwɛmɔ naagɔ yo a mʊgɔ kumɔ nʌbʌl. Mǝ nǝ nǝ win a mʊgɔ kʊb a nyatǝm mǝndɨ gǝm gwam.’

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Luka 20:47

N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa a shiloi.”

Luka 5:32

Mǝ bɛ bɔ sǝ ba n jo nǝb dǝngdǝng. Mǝ bɛ jotǝm nǝb bwɨlangkɛl, sǝ ja yǝla ja bǝla bwɨlangkɛl jinɔ.”

Luka 5:34

Nǝngɔ Yesu a jǝla ji gɔ, “Jǝ́ dǝg dǝg fatǝm balɨgɨɨ jǝ do diil mwɛ na jǝ dakini jǝbɔ gɔ a daa bwatǝm naakanɨ ka?

Yohana 1:35

Nǝn tǝmsɛlɨ tag Yohana tɨm dakini jǝbɔ kaam bɛtɔ mɛlalɨ gǝnɔ yo.

Yohana 3:25

Nǝngɔ bɛtɔ mɛlalɨ Yohanaɨ ja dɔ bǝngkatǝm kɛl jǝbɔ kaa bwɛ Yahudaɨ a dul jǝfʊlǝn saaltǝm bʊtɔ wʊnɨ gǝ dǝg nǝl lɛ a yǝlam sagsagɨ.

Maajɨ Bɛtɔ Twamagɨɨ 9:11

Nǝngɔ Tɛlalɔ a sʊwa gǝn gɔ, “Gun yɔ a gola nɨ jǝ jo lɛ gɔ Sɨnɨ. Yɔ a lɔ Yahuzaɨ, ń bʌ kaa balɨ bwɛ Tarsus wo, dunɔ nǝn Shawulu. Maa keli lɛ a daa gɔ.