Luka 5:24 - Dadiya NT

²⁴ Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ, “Gun do wɨlǝn mʊnɔ shu a lɔ.”

Luka 5:24 ပူးပေါင်းရင်းမြစ်များ

Matta 16:13

Nǝn kwama Yesu a dɔ tǝm Kaisar Filibii, nǝngɔ a bʌ bɛtɔ mɛlalɨ gǝnɔ gɔ, “Nǝbɔ gǝ sʊwa gɔ Bʊla Nǝlɨ nuwo?”

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 4:24

Fulon gungtǝm nǝbɔ gǝ maa lɛɨ, a la tǝm Suriyagɔ gwam. Nǝbɔ bɛ gǝm lɛ nǝn nǝb bɔɔlamɔ jǝbɔ nǝb twɨlagɔ, jǝbɔ nǝb yʊwa bwɨlagɔ, jǝbɔ nǝb jwigɔ, jǝbɔ nǝbɔ bʊtɔgɔ a swam swamɨ, a gung ji gwam.

Matta 9:6

Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ, “Gun do wɨlǝn mʊnɔ shu a lɔ.”

Luka 5:13

Nǝngɔ Yesu a gung kang gǝnɔ a ke gǝn nǝnɨ gɔ, “N jǝla, gun.” Tʌgo a kang a daa gɔ nǝngɔ mwatatǝm nɨ a bǝla gǝnɨ.

Luka 5:18

Nǝngɔ kaam nǝb a bɛ nǝn nʊ nɨ bʊtɔgɔ a swam swamɨ, ja do gǝn a kʌshen. Jǝ swɨ lɛ ja dɔ nǝn gɔ sǝ ja ya a kǝga Yesui.

Luka 5:23

Nʊ won a laa jǝlɨ, ‘Ja kǝlǝm mʊn bwɨlangkɛl mʊnɔ,’ jǝbɔ a wʊnɨ ja sʊwa gǝn gɔ, ‘Gun yɔ yɔm mʊnɨ’?

Luka 7:14

Nǝngɔ a yɔ ya ke wɨlǝn bwaagɨɨ, nǝbɔ a taba wɨlǝnɨ nǝngɔ ja tɨɨ. Yesu gɔ, “Bwayǝlɨ, n sʊwa ń mǝʊ ń gun!”

Luka 8:54

Yesu a ta kang gǝnɔ. Nǝngɔ a jo gǝn nǝn diil gɔ, “Bwɛnɔɔlɨ, gun.”

Yohana 11:43

A sʊwa nyɨɨ, nǝngɔ a gung diilɔ nǝn kwaan gɔ, “Liazaru, jel!”

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 3:13

Mɨ nǝn nʊ nɨ wo gwi a yɔ a dʌbʌli, na ke bɔ Bʊla Nǝlɨ, wʊnɨ a gǝla a dʌbʌl a bɛɨ.

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.

Maajɨ Bɛtɔ Twamagɨɨ 14:10

Nǝngɔ a gung diil gǝnɔ nǝn kwaan gɔ, “Gun tɨ tɨɨ nǝn naatɨn mʊnɔ.” Nǝngɔ a gun a mɔ, a tǝl yɔmɨ.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Maajɨ Bɛtɔ Twamagɨɨ 9:34

Nǝngɔ Bitrus a sʊwa gǝn gɔ, “Iniyasu, Yesu Kiristi a gung ń. Gun, kʊlʊm daa daalǝng mʊnɔ.” Tʌgo a kang Iniyasu a gun.

Maajɨ Bɛtɔ Twamagɨɨ 9:40

Nǝngɔ Bitrus a jǝg ji gwam a yoolii, a jʊng a maa keligɨɨ. A yǝla a daagɔ bʌlʌnɔ woi, a sʊwa gɔ, “Tabita, gun.” Nǝngɔ a wum nu gǝnɨ. A kuwo Bitrusi, nǝngɔ a gun a yɨ yɨɨ.

Dʊgam Nyangnyang 1:13

A tɨbǝl daatɨn swatǝm fitila nɨɨ, n kuwo kaa nǝl na Bʊla Nǝfilii, tɨm nǝn bɛllɛ somi a gǝla a tal gǝm a twam naa. Kuli gǝnɔ tag nǝn dwang fɛl mʊn.