Luka 5:22 - Dadiya NT

²² Yesu a kwɛl a nyǝm bʊʊlalɨ jinɔ, nǝngɔ a sʊwa ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Luka 5:22 ပူးပေါင်းရင်းမြစ်များ

Matta 12:15

Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ.

Matta 12:25

Yesu a nyǝm bʊʊlalɨ jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨ lɛ. Mɨ tuulɔ nɨ jǝbɔ lɔ nɨ maa kii lɛ a kʊm jini, tɨ lɛɨ.

Matta 9:4

Yesu a kwɛl a nyǝm bʊʊlalɨ jinɔ, nǝngɔ a sʊwa gɔ, “N wɛ a bwɨ jǝ́ maa bwɨlang bʊʊlalɨ lɛ a nǝl jeni?

Markus 8:17

Yesu a nyǝm nyɨɨ, nǝngɔ a sʊwa ji gɔ, “N wɛ a bwɨ jǝ́ sʊwa lɛ jengɔ mɨ jen nǝn kʊkkʊmɨ? A bɛ nǝn a kǝngkɨɨ jǝ́ nyǝm bɔ, jǝ́ maa bɔ mɛlalɨ nǝn ka? Jǝ́ nǝb bǝngɨ lɔl ka?

Luka 24:38

Nǝngɔ a sʊwa ji gɔ, “N wɛ a bwɨ taalɔ a ta jeni? N wɛ jǝ́ kǝma lɛ a nǝl jenɔ gǝmɨ?

Luka 5:21

Nǝbɔ Farisaɨ jǝbɔ nǝb mɛlalɨ diilɔ jǝ bʌbko lɛ a bʊtɔ jin gɔ, “Nʊ nɨ nuwo kal dun Kwaamaɨ lɛɨ? Nǝn Kwaama kwaagɔ win kǝlǝm bwɨlangkɛl lɛɨ.”

Luka 5:23

Nʊ won a laa jǝlɨ, ‘Ja kǝlǝm mʊn bwɨlangkɛl mʊnɔ,’ jǝbɔ a wʊnɨ ja sʊwa gǝn gɔ, ‘Gun yɔ yɔm mʊnɨ’?

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.