Luka 5:1 - Dadiya NT

¹ Kaa di Yesu tɨm a nyiyo wɨma Janisarata, nǝbɔ a mʊrka a lada mǝmsa gǝn nɛ, sǝ jǝ nyʊwa kɛl Kwaamaɨ.

Luka 5:1 ပူးပေါင်းရင်းမြစ်များ

Matta 11:12

A kwama Yohana nǝ Yʊtǝm mwɛ Sagsagɔ a bɛ nǝn a dwiyeni, fɔlɔn lɔ Kwaamaɨ nyʊwa gaalan nɛ, nǝb nɨ nǝ ji gaalan nɛɨ, nǝji jǝ swɨ lɛ ja yem fɔlɔn lɔ Kwaamaɨ nǝn kwaanɨ.

Matta 14:34

Ja yab wɨmagɨɨ, nǝngɔ ja bɛ a kʌng wɨmagɔ gǝm a tǝm Janisarataɨ.

Markus 3:9

A swɨ bɔ nǝbɔ a mǝmsa gǝn, nǝngɔ a sʊwa bɛtɔ mɛlalɨ gǝnɨ gɔ ja bɛ gǝm nǝn bɛ tɨyamwɛngɔ win.

Markus 4:1

Nǝngɔ Yesu a yǝla a tǝl mɛla nǝbɔ gǝm lɛ a kʌng wɨmaɨ. Nǝbɔ a lada ba kang gǝnɨ, a nya bɔ daa nɨ tɨm lɛɨ, nǝngɔ a dɔ mʊgɔ tɨyamwɛngɔ a yɨ woi, nǝbɔ tɨm a kʌng wɨmagɔ gǝm.

Markus 5:24

Nǝngɔ ja yɔ dakinii. Nǝbɔ a lada bwang gǝm lɛ, jǝ mǝmsa gǝn nɛ nyɔ.

Markus 6:53

Ja yab wɨmagɨɨ, nǝngɔ ja bɛ a kʌng wɨmagɔ gǝm a tǝm Janisarataɨ, ja kwa tɨyamwɛngɔ woi.

Luka 12:1

Kwama kanjǝl nɨ bwɨ lɛɨ, nǝbɔ fʊlkʊblǝnɔ a lada ja mʊrka. Jǝ falaka lɛ nǝn naa. Nǝngɔ a tǝl sʊwa bɛtɔ mɛlalɨ gǝnɔ kɛlɔ lɛ nǝn tɨkǝgaɨ gɔ, “Bɛ jǝ́ kɨla mɛlalɨ bwɨla nǝbɔ Farisaɨ, n kɛl fento.

Luka 5:2

Nǝngɔ a kuwo tɨyamwɛngɔ yo tɨm a nyiyo wɨmagɔ gǝmɨ. Nǝb gǝnɔ a jelʌm a mʊgɔ tɨyamwɛngɔ gǝm, jǝ saal lɨyaltɨn jinɔ lɛ.

Luka 8:22

Kaa di Yesu a dɔ tɨyamwɛng jǝbɔ bɛtɔ mɛlalɨ gǝnɔ. Nǝngɔ a sʊwa ji gɔ, “Bǝ yab fʌlen a dʌng wɨma wuleni.” Nǝngɔ ja gun ja dɔ tɨyamwɛngɔ ja shui.

Luka 8:23

Ji a mʊgɔ yɔmɨ, nǝngɔ dumɔ a do gǝnɨ. Nǝngɔ yʊwagɔ a gun a wɨmaɨ, mwɛmɔ a yii mʊgɔ tɨyamwɛngɔ. Jǝ na a nyiyo bwaa.

Luka 8:33

Kwama nɨ nǝblaam nɨ a jelam bʊtɔ balɨ nɨɨ, nǝngɔ ja dɔ mʊgɔ nyiyolitɨn nɨɨ. Nǝngɔ ja mwala nǝn ji ya ja gǝla nǝn ji a mʊgɔ wɨmaɨ. Nǝngɔ nyiyolitɨn nɨ a nɔɔ mwɛmɔ a bʊlalaɨ.

Luka 8:45

Yesu a bʌ gɔ, “Nuwo a ke i?” Nǝngɔ nǝbɔ gɔ ke bɔ jii, Bitrus gɔ, “Nǝ dʊʊ, bwɨ nǝb nɨ a kang ń, mǝmsa ń nɛɨ.”

Yohana 1:40

Win a kʊm nǝb nɨ yoi nǝn Andarawas, kɨla Saminu Bitrusi. Kwama a nyʊwa jʊ Yohana sʊwa a dul Yesui, nǝngɔ a bwangtǝn Yesui.

Yohana 6:1

A gulɔ gǝm, nǝngɔ Yesu a yab wɨma Galiligɨɨ, wʊnɨ nǝn gɔ wɨma Tibariyagɨɨ.

Ibranii 13:7

Bɛ jǝ́ bʊʊla nǝn nǝb dʊʊm jenɔ galɨgǝnɨ, nǝb nɨ a kiyo jem kɛl Kwaamaɨ. Jǝ́ dʌng yɨm jinɔ. Bɛ jǝ́ maa mɛlalɨ nǝn nǝtǝm bɨlǝngkɛl jinɔ.