Luka 4:34 - Dadiya NT

³⁴ “Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Luka 4:34 ပူးပေါင်းရင်းမြစ်များ

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

Markus 1:24

sʊwa lɛ gɔ, “Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Markus 1:34

Gung nǝb nɨ lɛ mɨ kwamɨgǝn twɨla jinɔ a gǝlalaɨ. A jǝg nǝblaamɔ a lada, a jǝla bɔ nǝblaamɔ a sʊwa kɛl, jʊ a bwɨɨ, ja nyǝm gǝn.

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Luka 4:33

A mʊgɔ kan mɛlalɨ kaa nǝl wo nǝn yʊwa bwɨla, nǝngɔ a ga kwaalɨgɔ nǝn kwaan gɔ,

Luka 4:41

Nǝblaamɔ a jel a bʊtɔ nǝbɨɨ a lada nyɔ. Jǝ gaba wulongɔ lɛ gɔ, “Mɔ nǝn Bʊla Kwaamaɨ.” Ja nyǝm gɔ nǝn Kiristii, n jʊ a bwɨ Yesu a ga jim wulongi, nǝngɔ a kaa ji wo a sʊwatǝm kɛlɨ.

Luka 8:28

Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”

Luka 8:37

Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.

Maajɨ Bɛtɔ Twamagɨɨ 16:39

Nǝngɔ ba ja jʊng a kǝga Bulusi jǝbɔ Silaɨ, ja kela jii. Ja jǝg ji a lɔsomii. Ja kela ji gɔ ja bǝla tǝm gɨɨ.

Maajɨ Bɛtɔ Twamagɨɨ 2:27

Jʊ a bwɨɨ mɨsɔ mʊ bǝla ɨ lɛ a daa yamtǝm borang. Mɨsɔ mʊ bǝla Nǝ Sagsag mʊnɔ lɛ a bʊta.

Maajɨ Bɛtɔ Twamagɨɨ 3:14

“A jenɔ jǝ́ kɔ Nǝ Sagsag nɨ, Nǝ Dǝngdǝngɔ. Jǝ́ bʌ gola jengɔ ja dem jem kang a nǝ jʌtǝm dulɔ gǝm.

Maajɨ Bɛtɔ Twamagɨɨ 4:27

Bɨlǝngǝn kanjǝl nɨ a bwɨ nǝn kwama Hiridus, jǝbɔ Buntus Bilatus, jǝbɔ Bʌtʌbɔ, jǝbɔ nǝbɔ Israilaɨ ja mʊrka dul a dalɨ tuulɔ nɨɨ, jǝ maa kii lɛ jǝbɔ Bwɛ jwaalɛ sagsag mʊnɔ Yesu wʊnɨ mʊ gul gǝm bwiyeli.

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

Yakubu 2:19

Ń nǝ bɨlǝngkɛl Kwaama win ka? N dǝngdǝng. Nǝblaamɔ tʌji a nǝ bɨlǝngkɛl nyɔ. Bʊtɔ jinɔ ka lɛ kʌbkʌb nǝn taal.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

Dʊgam Nyangnyang 20:2

A ta sɔɔ bwɨla nɨ, wʊnɨ nǝn gɔ gʌleng sɔɔ dʊʊ galɨgɨɨ, wʊnɨ nǝn gɔ Mammɨ, a bwa gǝn jolɔ fʊlkʊblǝn.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.