Luka 3:16 - Dadiya NT

¹⁶ Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Luka 3:16 ပူးပေါင်းရင်းမြစ်များ

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Matta 3:12

Nǝngǝn nǝn jǝ yutʌm gǝnɔ a kang, wʊnɨ yum bum fǝtɨgɔ lɛɨ, sǝ a mʊr nu jaam gǝnɔ a tal a bʌni. Twɨm twɨm fǝtɨgɔ nǝn kǝla nɨ mɨsɔ dumo lɛ woi.”

Yohana 1:26

Nǝngɔ Yohana a sʊwa ji gɔ, “A mǝndɨ mǝ yʊ jen mwɛ sagsagɔ nǝn mwɛ. Kaa nǝl wo a kʊm jen, wʊnɨ jǝ́ nyǝm gǝn bɨɨ.

Yohana 1:27

Wʊnɨ bɛ lɛ a gul mɨɨ, wʊnɨ mǝ la bɔ n kwɨ dwang twam gǝnɨ.”

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Yohana 7:38

Nʊ nɨ a nǝ bɨlǝngkɛl a daa mǝ woi, ‘Laa mwɛ nɨ nǝ kʊlɨ lɛɨ, jel jel a nǝl gǝn,’ kanga mʊlalɨ kɛl Kwaamaɨ a sʊwaɨ.”

Maajɨ Bɛtɔ Twamagɨɨ 1:5

Yohana a yʊ nǝbɔ mwɛ sagsagɔ nǝn mwɛ. Mɨsɔ kumɔ gǝlala lɛ, jǝ yʊ jen nǝn Yʊwa Kwaamaɨ.”

Maajɨ Bɛtɔ Twamagɨɨ 10:44

Bitrus kiyo kɛlɔ lɛ wo dɨn, nǝngɔ Yʊwa Kwaamaɨ a gǝla a dul nǝb nɨ nyʊwa kɛl gǝnɔ lɛɨ.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.