Luka 3:11 - Dadiya NT

¹¹ Nǝngɔ a jǝla ji gɔ, “Gwam nʊ nɨ nǝn bɛllɛgɔ yoi, ga tǝga jǝbɔ nʊ nɨ mɨ nǝnɨ. Nʊ nɨ nǝn jǝjalǝnɨ ga maa nyɔ.”

Luka 3:11 ပူးပေါင်းရင်းမြစ်များ

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Luka 11:41

Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Luka 19:8

Nǝngɔ Zakka a gun a sʊwa Tɛlalɔ gɔ, “Tɛlalɔ, dʌng shilo mɨ, mǝ bel jʊ mǝ nǝnɨ lɔngɔ yo, sǝ n nǝ nǝbɔ mɨ nǝnɨ lɔngɔ win. Na n ja mɨbam kaa nǝlɨ wo a dul kaa jǝlɨ, mǝ ywa gǝn ywa tʌgo naagɔ naal a dul jʊ mǝ yoi.”

Yohana 13:29

Nǝn Yahuza ta bǝla kemʌn jinɔ lɛɨ, kaamɨ nyǝma lɛ gɔ Yesu gǝ sʊwa gǝn gɔ ya ga ten jim kʊkkʊm dikulom, na mɨ nyɨɨ, ga nǝ nǝb bʊnǝnɔ gǝm kaa jǝl.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Maajɨ Bɛtɔ Twamagɨɨ 10:4

A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.

Yakubu 2:14

Kɛtǝlam mɨ, n wɛ nǝl nya lɛ na nǝl a nʊng gɔ gǝ nǝn nǝtǝm bɨlǝngkɛl, na maajɨ nyantɨn gǝnɔ a nʊng bɔ nyɨɨ. Nǝtǝm bɨlǝngkɛl gǝnɔ dwal dwal a bʊʊ nǝn gǝ ka?

1 Yohana 3:17

Gwam nʊ nɨ nǝn jǝ kang a yooli nɨɨ, kuwo kɨla gɔ lɛ nǝn bʊnǝn, a mam nu a dul gǝnɨ, la swɨtǝm Kwaamaɨ na nyǝn a nǝl gǝn?

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.