Luka 23:43 - Dadiya NT

⁴³ Yesu a jǝla gǝn gɔ, “N sʊwa ń bɨlǝngǝn, dwiyen mʊ dakini jǝbɔ mǝ a dʌbʌl lɔ Kwaamaɨ.”

Luka 23:43 ပူးပေါင်းရင်းမြစ်များ

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Luka 23:42

Nǝngɔ a kela gǝn gɔ, “Yesu, bɛ ń bʊʊla nǝn mǝ na ń nya fɔlɔn mʊnɨ.”

Yohana 14:3

Na ya n fɛka jem daagɨɨ, sǝla n yǝla ba n yɔ nǝn jen a daa gɔ, sǝ tʌjen jǝ́ yɨ a daa mǝ woi.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

Filibii 1:23

Gwam jinɔ yo jǝ gʊ nǝl mǝndɨ lɛ dangǝn. Swɨtǝm mǝndɨ n bʊla sǝ n yɔ ya n yɨ nǝbɔ Kiristi. Nǝn gɔ jʊ a laa jǝlɨ.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.