Luka 22:70 - Dadiya NT

⁷⁰ Nǝngɔ gwam jinɔ ja bʌ gǝn gɔ, “Mʊ nǝn Bʊla Kwaamaɨ ka?” A jǝla ji gɔ, “Jǝ́ sʊwa dǝngdǝng, nǝmǝ.”

Luka 22:70 ပူးပေါင်းရင်းမြစ်များ

Matta 26:25

Nǝngɔ Yahuza nɨ a lungto gǝnɨ a bʌ gǝn gɔ, “Feyi nǝmǝ ka?” Nǝngɔ Yesu a jǝla gǝn gɔ, “Mʊ tǝmʊn ń sʊwa.”

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

Matta 27:11

Nǝngɔ Yesu a tɨ a kǝga gwamnagɨɨ, gwamnagɔ a bʌ gǝn gɔ, “Nǝmɔ mʊ fɔlɔ Yahudawagɨɨ ka?” Yesu a sʊwa gǝn gɔ, “Kanga mʊ sʊwaɨ.”

Matta 27:43

A ya nǝl a daa Kwaama woi, bɛ Kwaama a jǝg gǝn kǝngkǝnɨ na swɨ gǝn nɛɨ. Kanga a sʊwa gɔ, gǝ nǝn Bʊla Kwaamaɨ.”

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Markus 15:2

Bilatus a bʌ gǝn gɔ, “Nǝmɔ mʊ fɔlɔ Yahudawagɨɨ ka?” Nǝngɔ Yesu a jǝla gǝn gɔ, “Kanga mʊ sʊwaɨ.”

Luka 22:71

Nǝngɔ ja sʊwa gɔ, “N kaa nǝtǝm nyiyo wɛ bǝ saa lɛ tagɨ? Bǝn nǝn kang bǝn bǝ nyʊwa a sʊwa nǝn nyiyo gǝn.”

Luka 23:3

Bilatus a bʌ Yesu gɔ, “Nǝmɔ mʊ fɔlɔ Yahudawagɨɨ ka?” Nǝngɔ Yesu a jǝla gǝn gɔ, “Kanga mʊ sʊwaɨ.”

Luka 4:41

Nǝblaamɔ a jel a bʊtɔ nǝbɨɨ a lada nyɔ. Jǝ gaba wulongɔ lɛ gɔ, “Mɔ nǝn Bʊla Kwaamaɨ.” Ja nyǝm gɔ nǝn Kiristii, n jʊ a bwɨ Yesu a ga jim wulongi, nǝngɔ a kaa ji wo a sʊwatǝm kɛlɨ.

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 10:30

Mǝ nǝbɔ Tɛtɛ mɨ nǝn win.”

Yohana 10:36

N wɛ a bwɨ jǝ́ sʊwa jengɔ n soga Kwaama a kwama mǝ sʊwa mǝʊ mǝ nǝn bʊla Kwaamaɨ? Nǝn Tɛtɛ a jǝg ɨ a kɛl dul maajɨ nɨɨ. Nǝn gɔ tag a twam ɨ a yoolii.

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Yohana 19:7

Nǝngɔ Yahudawagɔ a tɨtǝn gɔ, “Nǝn nǝngǝn nǝn diil, a diil nǝnɔ gǝmɨ a yǝlam nyɔ ga bʊla, jʊ a bwɨɨ a do dul gǝnɔ gɔ gǝ nǝn Bʊla Kwaamaɨ.”