Luka 22:32 - Dadiya NT

³² N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Luka 22:32 ပူးပေါင်းရင်းမြစ်များ

Matta 18:3

Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 26:75

Nǝngɔ Bitrus a bʊʊla nǝn kɛlɔ Yesu a sʊwa gǝn gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.” Nǝngɔ Bitrus a jel a yooli ya ji wigɔ nǝn bʊr nyɨɨ.

Markus 14:72

A kʊta bɔ nǝngɔ kwalɨ jangagɔ a ma kamɨ na yogɨɨ. Bitrus a bʊʊla kɛl nɨ Yesu a sʊwa gǝnɨ gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ na yogɔ.” Kwama a bʊʊlam kɛl nɨɨ, nǝngɔ a dem nyiyo nǝn wii.

Markus 16:7

Jǝ́ shu kǝngkɔ, jǝ́ sʊwa bɛtɔ mɛlalɨ gǝnɔ, jǝbɔ Bitrus jengɔ Yesu ya laa jen laa a Galili, n daa gɔ jǝ́ kuwom gǝn nɛ wo kanga a sʊwam jeni.”

Luka 8:13

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

2 Timoti 2:18

nǝbɔ a tangǝm a gul bɨlǝngkɛlɨ. Jǝ sʊwa lɛ gɔ guntǝmɔ a bwaaɨ a kwɛl a shu shui. Jǝ kal nǝtǝm bɨlǝngkɛl kaamɨ lɛ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.