Luka 21:36 - Dadiya NT

³⁶ Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”

Luka 21:36 ပူးပေါင်းရင်းမြစ်များ

Matta 24:42

“Bɛ jǝ́ fɛka yɨm jenɔ, jʊ a bwɨɨ jǝ́ nyǝm bɔ kɔkɔ nɨ Tɛlalɔ jenɔ bɛm lɛɨ.

Matta 24:43

Bɛ jǝ́ nyǝm, na nǝ lɔngɔ a nyǝm kwama nɨ nǝkuugɔ bɛm lɛ nǝn kumi, na mɨsɔ daa dum lɛ, na mɨsɔ jǝla lɛ ja dɔ gǝm lɔ.

Matta 24:44

Gǝ na nyɔ jen tʌjen bɛ jǝ́ fɛka yɨm jenɔ, Bʊla Nǝlɨ bɛ lɛ nǝn kwama nɨ jǝ́ maa bɔ bʊʊlalɨ.

Matta 25:13

“Gǝ na nyɔ bɛ jǝ́ yɨ nǝn fɛkalɨ, jʊ a bwɨɨ jǝ́ nyǝm bɔ kɔkɔgɔ jǝbɔ kemʌnɔ mǝ yǝla mǝ bɛm lɛɨ.

Matta 26:41

Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Markus 13:33

Bɛ jǝ́ nyǝm! Bɛ jǝ́ yɨ nǝn fɛkalɨ! Jʊ a bwɨɨ mɨ nǝn nʊ nɨ a nyǝm kwamagɔ jǝbɔ kemʌnɔ jʊ nɨ bwɨm lɛɨ.

Markus 13:37

Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”

Luka 1:19

Nǝngɔ bwɛ twama Kwaamaɨ a jǝla gǝn gɔ, “Nǝmǝ mǝ Jibrailu! Mǝ tɨ a kǝga Kwaamaɨ, nǝngɔ a twam ɨ gɔ ba n sʊwa ń fulon kɛl lǝmɨ nɨɨ.

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Luka 20:35

Nǝb nɨ Kwaama a kuwo ja la nyɔ jǝ la jol gɔ lɛ a guntǝm nǝn kʊlɨ a bwaaɨ, mɨ naakan wo.

Luka 21:35

maa na kwalɨ. Kɔkɔ nɨ bɛ bɛ a dul nǝb nɨ yǝm a yooli nɨ gwamɨ.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

Kolosii 4:2

Jǝ́ ja kǝga nǝn maatǝm keli. Jǝ́ yɨ nǝn fɛkalɨ a mʊgɔ gǝn jǝbɔ buutǝm kang.

1 Tasalonikaɨ 5:17

Ya jǝ́ maa keligɔ lɛ mɨ tɨtǝm wo.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Dʊgam Nyangnyang 11:4

Nǝb nɨ yoi nǝn gɔ tɨya tʊʊl zaitun nɨ yoi, jǝbɔ daatɨn swatǝm fitila nɨ yoi, wʊnɨ tɨm a kǝga Tɛlalɔ yooli nɨ.

Dʊgam Nyangnyang 6:17

jʊ a bwɨɨ, gʌleng kɔkɔ nabwɨl jinɔ a bɛ. Nuwo mwɨ lɛ a tɨɨ?”

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.

Dʊgam Nyangnyang 8:2

Nǝngɔ la mǝ kuwo bɛtɔ twama Kwaamaɨ nɨ nʌbʌli jǝ tɨm a kǝga Kwaamaɨ, ja nǝ ji jumtɨnɔ nʌbʌl.