Luka 2:11 - Dadiya NT

¹¹ Dwiyen a mʊgɔ tuulɔ Daudaɨ ja bʌ jem Nǝbʊʊlɨ, nǝn gǝ nǝn Kiristi, Tɛlalɔ.

Luka 2:11 ပူးပေါင်းရင်းမြစ်များ

Matta 1:16

Yakubu nǝn tɨya Yusufui, bwɨla Maryamui, wʊnɨ a bʌ Yesui, wʊnɨ jǝ jo lɛ gɔ Kiristii.

Matta 1:21

Bʌ mʊn bʌ bwɛ, mʊ ja gǝm dunɔ gɔ Yesu, jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Matta 16:20

Nǝngɔ a gʊ lɔl bɛtɔ mɛlalɨ gǝnɔ gɔ bɛ ka ja sʊwa lɛ kaa nǝl gɔ, gǝ nǝn Kiristi.

Luka 1:43

N lǝma wɛ a nya ɨ nyɨɨ, nyɨya Tɛlalɔ mɨɨ bɛ lɛ fɔ a daa mɨ woi?

Luka 1:69

A gung bǝm nʊ nɨ ba bʊʊ lɛ nǝn bǝnɨ, jel a lɔ bwɛ jwaalɛ gǝnɔ Daudaɨ.

Luka 2:26

Yʊwa Kwaamaɨ a kwɛl a nʊng gǝn gɔ, gǝ kuwo kuwo bʌtʌm Kiristii, a Tɛlalɔɨ, sǝla ga bʊla.

Luka 2:4

Yusufu tǝgǝn a gun a tuulɔ Nazarat a Galili, a shu tuulɔ Daudaɨ nɨ a Yahudiyaɨ wʊnɨ jǝ jo lɛ gɔ Baitalamii, a daa nǝbam gǝnɔ a jelʌmi,

Yohana 1:41

Tʌgo a kang Andarawas a saa kɨla gɔ Saminui, a sʊwa gǝn gɔ, “Nǝ nya Nʊ nɨ ja jǝgǝmɨ,” wʊnɨ nǝn Kiristii.

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Yohana 11:27

Nǝngɔ Marta a jǝla gǝn gɔ, “Ɔɔ, Tɛlalɔ, n nǝ bɨlǝngkɛl mǝʊ nǝmɔ mʊ nǝn Kiristi Bʊla Kwaamaɨ, wʊnɨ bɛ lɛ a yoolii.”

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 4:25

Nǝngɔ nɔɔlɨ nɨ a sʊwa Yesu gɔ, “N nyǝm Nʊ nɨ ja jǝgǝmɨ bɛ lɛ wʊnɨ jǝ jo gǝn nɛ gɔ Kiristii. Na a bɛɨ, nʊng nǝn nʊng kanjǝlɔ gwam.”

Yohana 4:42

Nǝngɔ nǝbɔ Samariyaɨ a sʊwa nɔɔlɨ nɨ gɔ, “Kǝngkɔ nǝn nǝ bɨlǝngkɛl, ke bɔ a dul jʊ mʊ sʊwa nǝnɨ, nǝn tǝnǝn nǝn nyʊwa nǝn kang nǝn, nǝ nyǝm n bɨlǝngǝn, bwɛ nɨ nǝn gɔ n nǝ Nǝbʊʊlɨ yooligɨɨ.”

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Yohana 7:41

Kaamɨ gɔ, “Nʊ nɨ nǝn Kiristi.” Tangǝnɔ gɔ, “Kiristi nɨ jel jel a mʊgɔ Galili ka?

Maajɨ Bɛtɔ Twamagɨɨ 10:36

Jǝ́ nyǝm twamagɔ a twam nǝbɔ Israilaɨ gǝmɨ, jǝ sʊwa ji fulon kɛl lǝmɨ na yɨm kwamɨgǝn nɛ a gola Yesu Kiristii. Nǝn gɔ nǝn Tɛlalɔ bǝn gwamɨ.

Maajɨ Bɛtɔ Twamagɨɨ 13:23

“A mʊgɔ dʊʊm nʊ nɨ Kwaama a bɛ nǝbɔ Israilaɨ gǝm nǝn Nǝbʊʊlɨɨ, Yesu, kanga Kwaama a maa swatǝm yaagɨɨ.

Maajɨ Bɛtɔ Twamagɨɨ 17:3

Sʊwala ji kɛltɨnɔ lɛ, nʊng ji lɛ gɔ bwɨ bwɨ nyɔ, Kiristi a nɔɔ gaalan, sǝ a gun a bwaa. A sʊwa gɔ, “Yesu nɨ mǝ sʊwa jen nɛɨ, nǝn gɔ nǝn Kiristii.”

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

1 Korinti 15:47

Nǝfili na tɨkǝgagɔ a jel a tǝm, n boli. Na yogɔ a jel a dʌbʌl.

Filibii 2:11

A maa nyɔ tag sǝ nyiyotɨnɔ gwam a sʊwa gɔ Yesu Kiristi nǝn Tɛlalɔ, sǝ ja dʊʊl Kwaama Tɛtɛ.

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

Kolosii 2:6

Kanga jǝ́ yo Kiristi Yesu nǝn Tɛlalɔ jeni, bɛ jǝ́ ja kǝga nǝn yɨmɔ a mʊgɔ gǝn.

1 Yohana 4:14

Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.