Luka 19:38 - Dadiya NT

³⁸ Jǝ sʊwa lɛ gɔ, “Bwiligɔ n fɔlɔ nɨ a bɛ a dun Tɛlalɔɨ. Yɨm kwamɨgǝnɔ a lada a dʌbʌl. Dʊʊlǝnɔ na a Kwaamaɨ.”

Luka 19:38 ပူးပေါင်းရင်းမြစ်များ

Matta 2:2

ja bʌ gɔ, “Fɔlɔ Yahudawagɔ ja bʌi n fee? Nǝn kuwo nyanyamɨ gǝnɔ a twal. Nǝngɔ nǝn bɛ sǝ ba nǝn jʊng nǝn nǝ gǝn dʊʊnɨ.”

Matta 21:9

Nǝb nɨ a kǝga gǝnɨ jǝbɔ nǝb nɨ bwang gǝm lɛ a guli, ja gung diilɔ jǝ sʊwa lɛ gɔ, “Bǝlátǝmɔ n dǝngdǝng a dul bʊla Daudaɨ! Bwiligɔ na a nʊ nɨ bɛ lɛ a dun Tɛlalɔɨ! Bǝlátǝmɔ na a Kwaama dʌbʌli!”

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Luka 13:35

N wɔ kǝngkɔ ja bǝla jem lɔ jenɔ. Mǝ sʊwa jen nɛ, mɨsɔ jǝ́ kuwo i lɛ wo tag, na ke bɔ kwama jǝ́ sʊwa lɛ jengɔ, ‘Bwiligɔ na a nʊ nɨ bɛ lɛ a mʊgɔ dun Tɛlalɔɨ.’ ”

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Afisa 1:12

sǝ nǝn nɨ nǝ tǝl nǝ ya nǝl galɨgǝn a daagɔ Kiristi woi, nǝn bǝlá dʊʊlǝn gǝnɔ.

Afisa 1:6

A maa nyɔ sǝ bǝ bǝlá dʊʊlǝn lǝma gǝnɔ wʊnɨ a nǝ bǝn nǝn kwan a shu kwaan a mʊgɔ bʊla gǝ nɨ gǝ swɨ lɛɨ.

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

Afisa 3:21

Bɛ dʊʊlǝnɔ a ta tʌgo gwanggwang a daa gǝ woi a mʊgɔ mʊrkalɨ nǝb bwangtǝm Kwaamaɨ, a mʊgɔ Kiristi Yesui, a yɔ nǝn a joltɨnɔ gǝm pʌd mɨ dɨtǝm wo. A daa nyɔ.

Kolosii 1:20

N gola Kiristii a dɔ kʊm kanjǝlɔ gwam a fɛka nǝn kang gǝnɨ, kanjǝl nɨ gwam a dʌbʌli jǝbɔ kanjǝl nɨ a tǝmɨ. N gola tǝlatǝm tʊʊm gǝn a dʌbʌl tɨya kʊʊtǝm a bɛ nǝn yɨm kwamɨgǝnɨ.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.