Luka 19:12 - Dadiya NT

¹² Nǝngɔ a sʊwa ji gɔ, “Kaa nǝl wo a fʌl fɔlɔn, a gun a shu a kaa tǝm a kʊta kʊtaɨ, sǝ ya ja ya gǝn fɔlɔn sǝ a yǝla a bɛ.

Luka 19:12 ပူးပေါင်းရင်းမြစ်များ

Matta 21:38

“Kwama nǝb nɨ ga nǝ ji twam ywatǝmɨ ja kuwo bʊla gɨɨ, nǝngɔ ja sʊwaka a bʊtɔ ji gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn!’

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Markus 12:1

Yesu a ja kǝga sʊwa ji mʊsǝn kɛlɔ lɛ gɔ, “Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ.

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Luka 20:9

Yesu a sʊwa kaa mʊsǝn kɛl gɔ, “Kaa nǝl wo wʊnɨ a kwal tɔtwam fogfogi gǝnɨ. Nǝngɔ a nǝ kaam nǝb gɔ ya ja jʊng lɛ. A shu a kaa tǝm ya yɨ wo a kʊtaɨ.

Luka 24:51

Nǝn kwama dǝgǝm jim bwiligɔ lɛɨ, nǝngɔ a bǝla jii, nǝngɔ ja do gǝn a dʌbʌli.

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

1 Korinti 15:25

Jʊ a bwɨɨ Kiristi maa maa fɔlɔnɔ, ba la nǝn kwama nɨ falam nǝb kiim gǝnɔ lɛɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.