Luka 18:14 - Dadiya NT

¹⁴ “N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Luka 18:14 ပူးပေါင်းရင်းမြစ်များ

Matta 23:12

Nʊ nɨ a gung dul gǝnɨ, jǝ shig gǝn shig. Nʊ nɨ a shig dul gǝnɨ, jǝ gung gǝn gung.

Matta 5:3

“Bwiligɔ na a nǝb nɨ ja nyǝm bʊnǝn jinɔ a mʊgɔ yʊwaɨ, jʊ a bwɨɨ fɔlɔn lɔ Kwaamaɨ na a ji.

Luka 1:52

A shig fɔlɔlɔmɔ a kotere fɔlɔn jinɔ gǝm, a gung nǝb nɨ mɨ a nyiyo jǝlɨ.

Luka 10:29

Nǝngɔ nʊ nɨ swɨ lɛ a nʊng dul gǝnɔ gɔ gǝ dǝngdǝngɨ, a bʌ Yesu gɔ, “Nuwo nyɨ n fwalɨ yɨm mǝndɨɨ?”

Luka 14:11

Nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Roma 3:20

Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.

Roma 4:5

Nʊ nɨ a ya bɔ nǝl gǝnɔ a maajɨ nyatǝmɨ, a ya nǝl gǝnɔ a daa Kwaama woi, Kwaama nɨ dǝg nǝb bwɨlangkɛlɔ lɛ a yǝlam nǝb dǝngdǝngɨ, a kiyo nǝtǝm bɨlǝngkɛl gǝnɔ n dǝngdǝng.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 8:33

Nuwo yɔ lɛ nǝn nǝb nɨ Kwaama a jǝgǝmɨ a kan borangɨ? Kwaama nǝn kang gǝn a dǝg ji ja yǝlam nǝb dǝngdǝng a kǝga gǝn.

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Yakubu 4:10

Bɛ jǝ́ shig dul jenɔ a kǝga Tɛlalɔɨ. Gǝ tǝgǝn gung jen gung.

Yakubu 4:6

Kwaama sʊ bǝm lǝma gǝnɔ lɛ a lada. N jʊ a bwɨ kɛl gǝnɔ a sʊwa gɔ, “Kwaama kɔ nǝ gungtǝm dul lɛ. A nʊ nɨ mɨ nǝn gungtǝm duli, Kwaama nǝ gǝn lǝma gǝnɔ lɛ.”