Luka 17:6 - Dadiya NT

⁶ Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”

Luka 17:6 ပူးပေါင်းရင်းမြစ်များ

Matta 14:29

Nǝngɔ Yesu gɔ, “Bɛ.” Nǝngɔ Bitrus a gǝla a dʌbʌl tɨyamwɛng a tǝl yɔmɔ a dʌbʌl mwɛɨ, yilo a daa Yesu woi.

Matta 17:20

Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [

Matta 21:21

Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.

Markus 4:31

A maa na nu mastad wʊnɨ a dwal nǝn kǝlwʊn nyɨɨ. Nǝn gɔ a dwal a laa tangǝn dʊʊmɔ jǝ kwal lɛ a tǝm nɨɨ.

Markus 9:23

Nǝngɔ Yesu a bʌ gǝn gɔ, “Mɔ na mǝ dwal dwalɨ nɔɔ? Kanjǝlɔ gwam maa maa a daagɔ nʊ nɨ a nǝ bɨlǝngkɛlɨ.”

Luka 13:19

A maa na nu mastad wʊnɨ nǝn kǝlwʊn nyɨɨ, kaa nǝl a do a kwal a twam gǝnɨ, nǝngɔ a dʊʊl a yǝlam tɨyaɨ. Lǝbɨgɔ gǝ tii lɔngɔ wo a kangtɨn gǝnɔ gǝm.”

Luka 17:7

Yesu a ja kǝga nǝn mɛlalɨ gǝnɔ gɔ, “Nuwo a kʊm jen na nǝngǝn nǝn bwɛ jwaalɛ wʊnɨ jʊng gǝm twam lɛɨ, tɔɔ gǝm kwamɨ lɛɨ, na a yǝla a bɛ a lɔɨ, sʊwa gǝn nɛ gɔ, ‘Ba yɨ fɔ ja jǝjalǝnɨ’?

Luka 19:4

Nǝngɔ a mwal a shu a kǝga ya gwi tɨya kʊmagɔ sǝ gǝ kuwo gǝnɨ, jʊ a bwɨɨ n daagɔ Yesu ba shum lɛɨ.

Luka 7:13

Kwama Tɛlalɔ a kuwo nɔɔlɨ nɨɨ, nǝngɔ a ji bʊnǝn gǝnɨ, a sʊwa gǝn gɔ, “Bɛ ka ń ji lɛ wi.”

Luka 7:19

Nǝngɔ a jo yo a kʊm jini. A twam ji a daa Tɛlalɔ woi, gɔ ja bʌ gǝn, “Nǝmɔ wʊnɨ ja sʊwa gɔ bɛ lɛɨ ka? Nǝ dʌng kaa nǝl ka?”

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.