Luka 16:28 - Dadiya NT

²⁸ Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Luka 16:28 ပူးပေါင်းရင်းမြစ်များ

Luka 16:27

“Nǝngɔ nǝ shilo nɨ a kela gǝn gɔ, ‘Twam Liazaru a lɔ tɛtɛ mɨɨ.

Maajɨ Bɛtɔ Twamagɨɨ 10:42

Nǝngɔ a nǝ nǝn diil sǝ nǝn kiyo nǝbɔ gǝm kɛl Kwaamaɨ. A nǝ nǝn diil tag sǝ nǝn sʊwa nǝn gɔ Kwaama a jǝgǝm gǝn sǝ a maa nǝb nɨ kʊlɨgǝnɨ, jǝbɔ nǝbɔ a bʊla bʊlaɨ gǝm borangɨ.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 2:40

Nǝngɔ a gʊ jim lɔl nǝn kaam kɛltɨnɔ a gǝlalaɨ, a kel ji tag gɔ, “Jǝ́ bʊʊ nǝn dul jenɔ a bwɨlang nǝb nɨ gǝm.”

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 8:25

Nǝn kwama Bitrus jǝbɔ Yohana ja nǝ nyiyo a dul Yesui, jǝbɔ kiyotǝm fulon kɛl lǝmɨ Tɛlalɔɨ, nǝngɔ ja yǝla a Urushalimaɨ. Nǝn kwama jǝ yǝlam lɛ a Urushalimaɨ, nǝngɔ jǝ sʊwa fulon kɛl lǝmɨgɔ lɛ a bɛl tuulɔtɨn nɨ a tǝm Samariya a lada nyɨɨ.

Galatiya 5:3

Mǝ yǝla mǝ sʊwa jen nɛ tag, mɨ nyǝmatǝm wo, pʌd nʊ nɨ a jǝla ja biyo gǝm mwɛnɨ, a yǝlam nyɔ ga bwangtǝm diiltɨnɔ gwam.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

1 Tasalonikaɨ 2:11

Jǝ́ nyǝm nǝn bwangtǝn nɛ nǝn jen kanga tɛ bwɛ gǝ bwangtǝn nɛ nǝn bɛtɔ lɔ gɨɨ.

1 Tasalonikaɨ 4:6

A mʊgɔ jʊ nɨ ka nǝl ya maa lɛ kɨla gɔ gǝm bwɨlangkɛl, a ja mɨbam gǝnɔ. Jʊ a bwɨɨ Tɛlalɔ biyo gǝm biyo borang a dul kanjǝl nɨɨ, kanga nǝn sʊwa jen a tǝltǝmɨ, nǝn gʊ jem lɔlɨ.