Luka 16:2 - Dadiya NT

² Nǝngɔ a jo nǝ dʌngtǝm gǝnɨ, a bʌ gǝn gɔ, ‘N wɛ mǝ nyʊwala lɛ a dul mʊnɨ? Sʊwa ɨ jʊ mʊ maa gwam nǝn kanjǝl mɨ a kang mʊnɨ! Mǝ swɨ bɔ ń maa dʌngtǝm kanjǝl mɨɨ tag.’

Luka 16:2 ပူးပေါင်းရင်းမြစ်များ

Matta 12:36

Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi.

Matta 20:8

“Nǝn kwaamɨ, nǝngɔ nǝ tɔtwamɔ a sʊwa nǝ dʊʊgɔ gɔ, ‘Jo nǝb maajɨgɔ, ń ywa ji kemʌn maajɨ jinɔ, tǝl nǝn nǝb maajɨ kwaamɨgɔ dɨsɔ ń dɨl nǝn nǝb kumsʌlɔ.’

Luka 12:20

“Nǝngɔ, Kwaama a sʊwa gǝn gɔ, ‘Mɔ nǝ swɛlatǝm! A mʊgɔ kum nɨ mǝ do do kʊlɨ mʊnɔ. Kanjǝl nɨ mʊ mʊrɨ yǝlam a woi?’

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 16:1

Yesu a sʊwa bɛtɔ mɛlalɨ gǝnɔ kaa mʊsǝn kɛl. A sʊwa gɔ, “Kaa nǝ shilo wʊnɨ nǝbɔ tuwo nǝ dʌngtǝm gǝnɔ lɛ nǝn maatǝm fanyal nǝn kanjǝl gǝnɨ.

Luka 16:3

“Nǝngɔ nǝ dʌngtǝm nɨ a sʊwa a nǝl gǝn gɔ, ‘N wɛ mǝ maa lɛ kǝngkɨɨ? Tɛlalɔ mɨ wɔ kaa ɨ lɛ a maajɨ mǝndɨ gǝm. Mɨ mǝ nǝn kwaan jʊngtǝm twam. Mǝ nyʊwa gunidul keltǝm keli lɛ tag.

Roma 14:12

Pʌd bǝnɔ bǝ kiyo kiyo jʊ bǝ maaɨ nǝn nyiyo bǝn a kǝga Kwaamaɨ.

1 Korinti 1:11

Jʊ a bwɨ mǝ sʊwa nyɨɨ kɛtǝlam mɨ, kaamɨ nɨ a lɔ Kuluwii ja kiyo mɨ gɔ, gʊbkatǝmɔ wo a kʊm jen.

1 Korinti 4:2

Jʊ jǝ swɨ lɛ nǝn nǝb nɨ ja jǝla nǝn jii, bɛ ja yǝlam nǝb tatǝm swatǝm yaa.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

1 Timoti 4:14

Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.

1 Timoti 5:24

Bwɨlangkɛl kaam nǝbɨɨ gǝ na a talɨ. Nǝbɔ a kwɛl a nyǝm nyǝmɨ sǝla ja biyo jim borangɔ. Bwɨlangkɛl kaam nǝbɨɨ gǝ nʊng nǝn gul.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

1 Bitrus 4:5

Jǝ kiyo kiyo jʊtǝb nɨ ja maaɨ a kǝga Tɛlalɔɨ, wʊnɨ a fɛka fɛkaɨ sǝ a maa nǝbɔ gǝm nǝn kʊlɨɨ jǝbɔ nǝb nɨ a bʊlalaɨ gǝm borangɨ.

Dʊgam Nyangnyang 20:12

N kuwo bʌlʌn nǝb dʊʊmɨ jǝbɔ nǝb nɨ mɨ a nyiyo jǝlɨ, tɨlam a kǝga kotere fɔlɔnɔ gǝm. Langǝn bwangǝntɨnɔ a wumo wumoi. Kaa langǝn bwangǝnɔ a wumo wumoi wʊnɨ nǝn gɔ langǝn bwangǝn kʊlɨgɨɨ. Jǝ maa nǝb nɨ a bʊla bʊlaɨ gǝm borang a yɔ dǝngdǝng a jʊtǝb nɨ ja maaɨ, kanga ja mʊla a mʊgɔ langǝn bwangǝntɨnɔ gǝmɨ.