Luka 16:10 - Dadiya NT

¹⁰ “Nʊ nɨ ja jǝla nǝn gɔ a jʊ nɨ dǝmɨ, jǝ jǝla jǝla nǝn gɔ a jʊ nɨ a ladaɨ. Nʊ nɨ a nʊng bɔ bɨlǝngkɛl a jʊ nɨ dǝmɨ, mɨsɔ nʊng bɨlǝngkɛl lɛ a jʊ nɨ a ladaɨ.

Luka 16:10 ပူးပေါင်းရင်းမြစ်များ

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 25:23

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Luka 19:17

“Nǝngɔ a sʊwa gǝn gɔ, ‘Ń maa dǝngdǝng bwɛ jwaalɛ nyan! Kanga mʊ maa bɨlǝngkɛl a kǝlɨ jǝlɨ, n ya ń fɔlɔn tuulɔngɔ kʊb.’

Yohana 12:6

Yahuza a sʊwa kɛl nɨɨ, ke bɔ bʊʊlalɨ nǝb bʊnǝnɔ a maaɨ, jʊ a bwɨɨ n nǝkuu. Nǝn gɔ ta bǝla kemʌn jinɔ lɛɨ. Gǝ kuu kuu kemʌnɔ a mʊgɔ gǝn a tɨka dul gǝnɔ nǝn.

Yohana 13:2

Nǝn kwama Yesu jǝbɔ bɛtɔ mɛlalɨ gǝnɔ jǝ ja jǝjalǝn kumɔ lɛɨ, Mammɔ a kwɛl a dɔ mʊgɔ nǝl Yahuza Iskariyotii, bʊla Saminui, sǝ a lungto Yesu.

Yohana 13:27

Yotǝm kǝlɨ kʊkkʊm nɨ a kang Yesui, nǝngɔ Mammɔ a dɔ gǝnɨ. Nǝngɔ Yesu a sʊwa gǝn gɔ, “Jʊ nɨ mʊ swɨ maatǝmɔ lɛɨ, maa yagɨ yagɨ.”

Ibranii 3:2

Gǝ nɨ n nǝ tatǝm swatǝm yaa a nʊ nɨ a ya gǝnɨ, kanga Musa a ta swatǝm yaa Kwaamaɨ a nǝb gǝnɔ gǝm gwamɨ.