Luka 15:7 - Dadiya NT

⁷ Mǝ sʊwa jen nɛ, jǝ maa fulotǝm nǝlɔ nyɔ a dʌbʌl, na nǝ bwɨlangkɛl win a yǝla a bǝla bwɨlangkɛl gǝnɨ, a laa nǝb nɨ dǝngdǝng fʊltʊlkʊb jeli tʊlkʊbɨ, wʊnɨ ja kwɛl ja yǝla ja bǝla bwɨlangkɛl jini.

Luka 15:7 ပူးပေါင်းရင်းမြစ်များ

Matta 18:13

N bɨlǝngǝn mǝ sʊwa jen nɛɨ, na a nyaɨ, nyʊwa nyʊwa fulotǝm nǝl a dul kwamɨ nɨ win ga nyaɨ, a dul kwamɨtɨn nɨ fʊltʊlkʊb jeli tʊlkʊb a lɛla bɨɨ.

Matta 3:8

Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Luka 15:29

Nǝngɔ a gar tɛtɛ gɔ gǝm gɔ, ‘Dʌng bwɨ jol nɨ mǝ maa mʊn maajɨ lɛ. Mǝ kɔ bɔ kɛl mʊnɔ wo. Mʊ nɨ ɨ bɔ bɛ bɨ wo n maam bǝlátǝm nǝbɔ fatǝlam mɨɨ.

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Luka 15:6

a yɔ nǝn a lɔ. Sǝ a jo fatǝlam gǝnɔ jǝbɔ nǝb nɨ jǝ dakini, a sʊwa ji gɔ, ‘Jǝ́ bɛ ba jǝ́ tɨka ɨ bǝlátǝmɔ, n nya kwamɨ mǝndɨ a lɛlaɨ.’

Luka 15:8

“Na nɔɔlɨ nǝngǝn nǝn kemʌn sǝlǝnɔ kʊbɨ, na win a lɛlaɨ, mɨsɔ kul fitila lɛ, a kʊlam mʊgɔ lɔngɔ, a saa nǝn lǝma sǝ a nya ka?

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Luka 5:32

Mǝ bɛ bɔ sǝ ba n jo nǝb dǝngdǝng. Mǝ bɛ jotǝm nǝb bwɨlangkɛl, sǝ ja yǝla ja bǝla bwɨlangkɛl jinɔ.”

Roma 7:9

Galɨgǝn mǝ nyǝm bɔ diili, mǝ nǝn kʊlɨ. Kwama mǝ nyǝm diili, nǝngɔ bwɨlangkɛlɔ a fuloi, nǝngɔ mǝ bʊlaɨ.