Luka 15:6 - Dadiya NT

⁶ a yɔ nǝn a lɔ. Sǝ a jo fatǝlam gǝnɔ jǝbɔ nǝb nɨ jǝ dakini, a sʊwa ji gɔ, ‘Jǝ́ bɛ ba jǝ́ tɨka ɨ bǝlátǝmɔ, n nya kwamɨ mǝndɨ a lɛlaɨ.’

Luka 15:6 ပူးပေါင်းရင်းမြစ်များ

Luka 1:58

Nǝbam gǝnɔ jǝbɔ nǝbɔ yǝm dakini jǝbɔ gɨɨ, ja nyʊwa gɔ Tɛlalɔ a ji bʊnǝn gǝnɔ a ladaɨ, nǝngɔ ja maa fulotǝm nǝl jǝbɔ gɨɨ.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Luka 15:24

Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

Luka 15:5

Na a nya gǝnɨ, maa maa bǝlátǝm, a do gǝn a kwɨl,

Luka 15:7

Mǝ sʊwa jen nɛ, jǝ maa fulotǝm nǝlɔ nyɔ a dʌbʌl, na nǝ bwɨlangkɛl win a yǝla a bǝla bwɨlangkɛl gǝnɨ, a laa nǝb nɨ dǝngdǝng fʊltʊlkʊb jeli tʊlkʊbɨ, wʊnɨ ja kwɛl ja yǝla ja bǝla bwɨlangkɛl jini.

Yohana 15:14

Na jǝ́ maa jʊ mǝ sʊwa jen mǝʊ jǝ́ maaɨ, jǝ́ fatǝlam mɨ.

Yohana 3:29

A kangwaal naakan, balɨgɔ nǝn gɔ a naa nɔɔlɨgɨɨ. Fwal balɨ nɨ a naa nɔɔlɨgɨɨ, gǝ yam kɛl nɨ jel lɛ a nyiyo balɨgɨɨ. Gǝ nyʊwa nyʊwa lǝma na a nyʊwa kɛl nɨ a jel a nyiyo balɨgɨɨ. N jʊ a bwɨ mǝ nǝn fulotǝm nǝlɨ.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Filibii 1:4

Nǝn kwama mǝ maa keli lɛ a dul jeni, mǝ maa nǝn fulotǝm nǝl.

Filibii 2:17

Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Filibii 4:1

Kɛtǝlam mɨ nɨ mǝ swɨ lɛɨ, wʊnɨ mǝ maa gom kuwotǝm jenɔ lɛɨ. Nǝjen jǝ́ jǝ fulotǝm nǝl mǝndɨ jǝbɔ dwang dul nɨ mǝ yo a dul maajɨ mɨɨ. Jǝ́ yɨ nǝn bɨlǝngkɛl a daa Tɛlalɔ woi.

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

1 Bitrus 2:10

Galɨgǝn jǝ́ ke bɔ nǝbɔ wini, kǝngkɔ jǝ́ nǝbam Kwaamaɨ. Galɨgǝn jǝ́ yo bɔ bʊnatǝm gǝnɔ, kǝngkɔ jǝ́ yo bʊnatǝm gǝnɔ.

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.