Luka 15:28 - Dadiya NT

²⁸ “Kɨla gǝ dʊʊnɔ a kal nǝl a kɔ dɔtǝm lɔngɔ. Nǝngɔ tɛtɛ gɔ a jel ya kela gǝn gɔ ga dɔɨ.

Luka 15:28 ပူးပေါင်းရင်းမြစ်များ

Matta 20:11

Ja yoi, nǝngɔ jǝ kʊnga lɛ a dul nǝ tɔtwamɨ,

Markus 1:40

Kaa nǝl wo wʊnɨ a mwata mwataɨ. A jʊng nǝngɔ a kela gǝn gɔ, “Na ń jǝlaɨ, mʊ nǝn kwaan nɨ mʊ gung i lɛɨ sǝ n yǝlam sagsag.”

Luka 13:34

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Luka 15:2

Nǝngɔ nǝbɔ Farisaɨ, jǝbɔ nǝb mɛlalɨ diilɔ ja tǝl kʊngatǝmɔ jǝ sʊwa lɛ gɔ, “Dʌng balɨ nɨ a jǝla a ja fwalɨ jǝbɔ nǝb bwɨlangkɛlɔ, jǝ ja jǝjalǝnɔ lɛ dakini.”

Luka 15:27

Nǝngɔ a sʊwa gɔ, ‘Nǝn kɨla mɔ a yǝla a bɛ a lɔɨ, nǝngɔ tɛtɛ mɔ a biyo bɛ nɛɛ balɨ nɨ a dʊʊl nǝn lʊglʊg nyɨɨ, jʊ a bwɨɨ a yǝla a bɛ kwamɨgǝn kwamɨ.’

Luka 15:29

Nǝngɔ a gar tɛtɛ gɔ gǝm gɔ, ‘Dʌng bwɨ jol nɨ mǝ maa mʊn maajɨ lɛ. Mǝ kɔ bɔ kɛl mʊnɔ wo. Mʊ nɨ ɨ bɔ bɛ bɨ wo n maam bǝlátǝm nǝbɔ fatǝlam mɨɨ.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Luka 5:30

Nǝbɔ Farisaɨ jǝbɔ nǝb mɛlalɨ diilɔ ja tǝl kʊngatǝm kɛlɔ jǝ sʊwa bɛtɔ mɛlalɨ Yesui lɛ gɔ, “N wɛ a bwɨ jǝ́ ja lɛ, jǝ́ nɔɔ lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

Luka 7:39

Bwɛ Farisa nɨ a kuwo jʊ nɨ nɔɔlɨ nɨ maa lɛɨ, nǝngɔ a sʊwa a nǝl gǝn gɔ, “Na na nʊ nɨ n nǝkuwotǝmkǝgaɨ, na nyǝm nyǝm gɔ nɔɔlɨ nɨ ke naa gǝnɔ lɛɨ, nǝn nuwo. N nǝ bwɨlangkɛl.”

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Maajɨ Bɛtɔ Twamagɨɨ 13:50

Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Roma 10:19

Mǝ bʌ kɛl lɛ tag, “Nǝbɔ Israilaɨ a nyǝm bɔ twamagɔ ka?” A tǝltǝmɔ gǝmɨ Musa gɔ, “Kwaama a sʊwa gɔ, ‘Mǝ dǝg jen dǝg jǝ́ maa nungon jǝbɔ nǝb nɨ mɨ nǝn tuulɔɨ. Mǝ dǝg jen dǝg jǝ́ maa nabwɨl nǝn nǝb nɨ a fʌm fʌmi.’ ”

2 Korinti 5:20

Gǝ na nyɔ, nǝn do nyiyo Kiristii, Kwaama gǝ jo nǝbɔ a gola nǝn. Nǝn kela jen nɛ a dul kɛl Kiristii, jǝ́ maa fɛkalɨ jǝbɔ Kwaama.

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.