Luka 15:24 - Dadiya NT

²⁴ Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

Luka 15:24 ပူးပေါင်းရင်းမြစ်များ

Matta 8:22

Nǝngɔ Yesu a sʊwa gǝn gɔ, “Bwang mɨ. Bǝla bʌlʌntɨnɔ ya fʌl bʌlʌn jinɔ.”

Markus 8:22

Ja la Betsaidaɨ, kaam nǝb a bɛ gǝm nǝn kaa kuli, ja kel gǝn gɔ a ke gǝn sǝ a gun.

Luka 10:19

N nǝ jen kwaan jǝ́ fala sɔɔtɨnɔ jǝbɔ dǝnatɨnɔ. N nǝ jen kwaan a dul Mammɨ. Mɨ nǝn jʊ nɨ ke jen nɛɨ.

Luka 15:23

Jǝ́ bɛ nǝn bɛ nɛɛ balɨ nɨ a dʊʊl nǝn lʊglʊg nyɨɨ, ba jǝ́ biyo, sǝ bǝ maam fulotǝm nǝl nǝn.

Luka 15:25

“Kwama nɨ bwɛ dʊʊnɔ a yǝla a kuul bɛm lɛɨ, ba dwama lɔngɨ, nǝngɔ a nyʊwa jǝ ga bʌnɔ lɛ, jǝ ye yegɔ lɛɨ.

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Luka 15:4

“Nuwo nyɨ win a kʊm jen na nǝn kwamɨ fʊlkʊb, nǝngɔ win a lɛlaɨ, mɨsɔ bǝla fʊltʊlkʊb jeli tʊlkʊbɔ lɛ, ya saa nʊ nɨ a lɛlaɨ ka?

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Luka 9:60

Nǝngɔ a sʊwa gǝn gɔ, “Bǝla bʌlʌntɨnɔ ya fʌl bʌlʌn jinɔ. A mʊnɔ ya sʊwa nǝbɔ fulon fɔlɔn lɔ Kwaamaɨ.”

Yohana 11:25

Nǝngɔ Yesu a sʊwa gǝn gɔ, “Nǝmǝ mǝ guntǝm kʊlɨɨ. Nǝmǝ mǝ kʊlɨɨ. Nʊ nɨ a nǝ bɨlǝngkɛl a daa mǝ woi, na a bʊlaɨ, yɨ yɨ nǝn kʊlɨ.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Roma 11:15

Na kɔtǝm jinɔ ja maaɨ a yǝlam gola fɛkalɨ yooligɔ jǝbɔ Kwaamaɨ, na Kwaama a yo ji tagɨ, a yǝlam na fulotǝm nǝn kʊlɨ a mʊgɔ bwaa.

Roma 12:15

Jǝ́ maa fulotǝm nǝl jǝbɔ nǝb nɨ maa fulotǝm nǝl lɛɨ. Jǝ́ ji wi jǝbɔ nǝb nɨ ji wi lɛɨ.

Roma 6:11

Jen tʌjen bɛ jǝ́ kiyo dul jenɔ maamɔ jǝ́ bʊla bʊlaɨ a bwɨlangkɛl. Kiristi Yesu a nǝ jen kʊlɨ, jǝ́ yɨ yɨm Kwaamaɨ.

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 12:26

Na jigɔ win a nyʊwa gaalanɨ, gwam jinʌnɔ a nyʊwa. Na ja bǝlá jigɔ wini, tangǝnɔ a maa fulotǝm nǝl.

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

1 Timoti 5:6

Nɔɔkʊla nɨ nyʊwa lǝma yɨm dul gǝn nɛɨ, win jǝbɔ nʊ nɨ a bʊla bʊlaɨ.

Yahuza 1:12

Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.

Dʊgam Nyangnyang 3:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Sardisui gǝm nyɔ, “Kɛl nɨ nǝn gɔ n twamagɔ a daagɔ nʊ nɨ maa fɔlɔn lɛ nǝn yʊwatɨn Kwaamaɨ nʌbʌli, jǝbɔ nyanyamɨtɨn nɨ nʌbʌli. N nyǝm maajɨ mʊnɔ. Jǝ kuwo ń nɛ gɔ mʊ nǝn kʊlɨ, mɨ nyǝmatǝm wo mʊ na na bʌlʌn.